الحياة الصح بقلم ( نودي ناشطه فيس بوك )

الحياة الصح

مش لما يبقي معانا فلوس كتير
لا لما نعمل بفلوسنا خير كبير
ونصنع بيها وبينا التغيير
مش لما يبقي لينا سلطه وجاه
لا لما نستخدم سلطتنا في خدمة الحياة
مش لما نلاقي حوالينا ناس كتير بتحبنا
لا لما نخدمهم ونراعيهم
بحياتنا ونشملهم بحبنا
لما نحس اننا بين البشر ... سيبنا أثر
طورنا حياتنا .. وجملنا ذاتنا
وعشنا بروحنا وعقلنا
ربينا ولادنا .. وراعينا اجدادنا
وشرفنا ابونا وامنا
منسناش الماضي ..
وطورنا الحاضر ..
وصنعنا مستقبل حلمنا
بإيمانا وصبرنا
خدمنا بلدنا .. ووجهنا طاقتنا ..
وعملنا الخير لناسنا وأهلنا
صلينا سجدنا .. حجينا عبدنا ..
راعينا دينا وربنا
عشان لما نسيب دنيتنا ..
نفضل موجودين بخيرنا .. مش شرنا
ولما يوم القيامة نتسأل عن عملنا
نقول عملنا وعملنا ...
مش تكون نهايتنا قبرنا
من النهاردة هخدك بلدي من كل قلبي..
هصنع حلمي اللي يخدم وطني
هعيش بعد ما اموت بعملي
هحيي روحي .. بعبادتي لربي
هكون انسان زي ما ربنا كتبلي