دم الشهيد لشروق نبيل

اقتباس :

بقلمي \ شروق نبيل
معلش اول مره اكتب بالعاميه ..اتمني تعجبكم...
بعنوان....سبحان المعز المذل .....

من بعد عز و جاه نام ف القفص مذلول
من بعد حكم سنين ملهوش جميل محمول
جوع .. و فقر .. و كبت و شعب عااش مغلووول
شعب غضبه نار سجن رئيس وفلووول
وجاي يقول مظلوم !! كلامه مش مقبووول
بتقول ماكنتش تعرف !! يعني البعيد مسطول !!
ازاي ناسي و مش فاكر ولا عارف ايه بتقول !!
صعبان عليا اووووي .. لكني مش مسئول
ازاي يا حاكم بلدي تكون رئيس مخبول ؟؟!!
تقتل ف شاب غلبان ف بلاده عاش مشلول
عشان صرخ بالحق .. عشان غضب وثار .. تقول عليه مهبول !!
حواليك شويه كلاب نهبوا خير بلدنا وقتلوا بظلم ولادنا
فين السادات يقولها من تاني " مش معقوووول "
لا عادلي يعرف عدل .. ولا عمر ف يوم ميزانه ياعيني كان معدول
قتل كل من قال يسقط نظام فاسد من شعب ولده خجول
يا مصر شعبك صحي بعد ما عاش مقتول
يا مصر ولدك شجاع مهوش جبان معلوول
وديني ورب السما لأجيب حقك يا امي من جوه فم الغووول
دم الشهيد راجع وحقي مش هيروح بشعب ايده واحده شعب مهوش محلول....

يا مصر شعبك صحي بعد ما عاش مقتول
يا مصر ولدك شجاع مهوش جبان معلوول
كلامات لا اروع

الصراحه طلعت فنانه
وقصيدة روعه بس مشكلتها الوحيده عندها تكلف في القافيه
بتكتب كلمات كتير مش حوار انها بالابيات
يعني بتوزن القصيدة كلها من غير شطرات بقوافي كتير
بتخلي الطعم مش مبلوع زي لو كانت بيتين

بس ماشاء الله عليها فنانه