الحب عن طريق الانترنت بين الكذب و الحقيقة

موضوع خطير و منتشر في الاونة الاخيرة
و هو الحب عن طريق الانترنت

اولا الحب دا شئ عظيم و جميل
و دا اللى يميز مشاعر الانسان اللى بيحس
من المشاعر الحيوانية الشهوانية

الحب عن الانترنت ظاهرة و لازم نقتنع بوجودها
و انا برأيي انها شئ جميل و جديد
لكن في نقطة هامة الاغلبيه مش واخدين بالهم منها

الحب عموما بيتوقف علي شخصية المحبين

يعني لما بيفشل حب في حياتنا بنجيب العيب في الحب و بنقول ان الحب غلط و عيب
و بيكون العيب في الشخص اللى حصل منو الموقف

النت عالم كبير يختلف عن الواقع في اشياء و يتفق في اشياء
الاعتماد الكلي في النت هو الثقة المتبادلة
لان مفيش ما يثبت صحة او خطأ كلام الشخص او افعاله
الا في حالة وجود ادلة التي يسهل اخفاؤها

لكن المهم هنا اننا نعرف نتأكد من شخصية اللى قدامنا و قبل ما نقع في شباك الحب
نقدر نحدد شخصيتو من خلال بعض المواقف و الاختبارات
لو عدي فيها و اثبت نفسو بيقدر يثبت حبو للطرف الاخر
و دا عن طريق التضحية في حجات كتير
و مفيش حب بيحصل من يوم و ليلة

لان لو حصل الحب من غير ما نتاكد هيبقي صعب علينا نشك في اللى بنحبو
لان الحب اعمي زي ما بيقولو

كتير مننا بيثق بطريقة زائدة في من يحب
و الفئة دي من البنات خصوصا
و مثلا يبعت للي بيحبو صورتو مثلا بنيه صافية
و تحصل بقا المشاكل و يستخدم الطرف التاني الصورة للانتقام مثلا

يعني المفروض البنت متثقش في الولد الا لما يثبت حبو ليها
و تصبر عليه و هتعرف نهايتو في الاخر ان كان يستاهل او لا
الاستعجال هو اللى بيبوظ كل حاجة

و يريت نتحكم شوية في مشاعرنا
و نبطل نلعب بمشاعر الناس
لان اصعب صدمة صدمة الحب

و لو كنت قدها اوكي مش قدها متتقدمش خطوة
لانو مسير هيجي عليك يوم و يتعمل فيك اللى عملتو في غيركـ


الموضوع دا المفروض اكلم فيه اكتر من كدا لكن مش هقدر اكمل
نظرا لضيق الوقت

المطلوب بس ارائكم في الحب عن طريق الانترنت
و هل ممكن نعتمد عليه بعد كدا او نحاول نتجنبو

الحب عن طريق الانترنت
ممكن وممكن
لكن خطير اوي اوي اوي
لاخطر ما تتصوري

لانوا بيكون فيه جزء من المثاليه بين المتحابين
وممكن يكون صادق جدا جدا
منعرفش
لكن انا مش بأيدوا
لان اما يكون حد في وشك كده وجها لوجه احسن كتير من الاختفاء وراء شاشه والحب فيها

لا انا مش بسميه حب
ممكن انجذاب او تعود على الشخص ده
حتى ولو وصل لدرجة الحب م هيكون بمصدقية الحب الى طرفيه شافوا بعض

الحب عن طريق الانترنت خطير جدا جدا جدا
لانه ممكن مش تشوفى شخصية الى قدامك كامله
او مش هتشوفى عيوبه هتبقى شخصيه ميثاليه الى حد ما

موضوعك جميل جنجر
تقبلى مرورى
جنى

الحب عن طريق الانترنت لا ده مشكله كبيره ومش بتحصل وده كلوا مش حقيقي مش حب ده لعبه بيلعبوها هما الاتنين شكرا يا جنجر