من يصلح لقيادة مصر العسكري أم المدني ام اسلامى ؟

العسكري زي ما انت قولت يا طارق
احنا عانينا منوا كتير وتعبنا وقرفنا

انت بتقول

اقتباس :

فأنا لا أطعن في كفاءتهم وشرفهم أو قدراتهم
ولكني أرى أن القيادة المدنية أنسب في هذه المرحلة.

انا اطعن في كفائتهم وشرفهم
وشوفنا مثال واااااااااااااااضح
علي الخيانه والظلم والجبروت

مصر محتاجه تقوم قومه تانيه
علي ايد شخص محنك ومفكر
مدني عارف ربنا بيراعي الشعب
وبيفكر في مصلحتوا

....
تقبل مروري

شكرا باشا اه كده

انا شايفه ان الي يصلح لقياده مصر حكم اسلامي لانو هيساعد كتير علي توفير العدل والمساواه لان مهما كان الحكم ده مدني فأنا شايفه انوا مش هيكون ناجح من غير شريعه اسلاميه وفي الاول وفي الاخر لازم نقف مع بعض ونكمل الطريق ويكون عندنا الاراده الكافيه لكده .
شكرا يا طارق
سما

sweet angel كتب:

انا شايفه ان الي يصلح لقياده مصر حكم اسلامي لانو هيساعد كتير علي توفير العدل والمساواه لان مهما كان الحكم ده مدني فأنا شايفه انوا مش هيكون ناجح من غير شريعه اسلاميه وفي الاول وفي الاخر لازم نقف مع بعض ونكمل الطريق ويكون عندنا الاراده الكافيه لكده .
شكرا يا طارق
سما

ماشي بس لازم نفرق بين انوا مدني بتشريع او بفكر اسلامي وبين انوا اسلامي
لان الاتنين يفرقوا انتي مين فيهم ؟

hanna montana كتب:

السلام عليكم ورحمه الله وبركاته
الموضوع ده مهم جدا بس انا رايي ان لازم نتاكد من الشخص الي هيحكم مصر عشان مش يتكرر المشهد تاني بالرغم من انه هيكون حذر جدا و الشعب كمان هيراقبه جامد

تاني حاجه ايه الفرق اما يكون عسكري او مدني اظن الي هيفرق ساعتها اختيار الشعب ليه
انا اظن ان اختيار اغلب طوائف الشعب هيكون للمدني لانه اتعقد من العسكري

ربنا يوفقنا و يحمي مصر
شكرا يا استاذ طارق وياريت توضيح الفرق بين الشخصيه المدنيه و العسكريه

الفاضله هانا واخيرا انرتى المنتدى بطلتك التى تتوج افكارنا لا اغيبى عن المنتدى رجاء
ثانيا
المرحلة المقبلة في مصر هي مرحلة التحدي وتجاوز الازمات وتوقع مصادمات وتهديدات
هي مرحلة التغيير والانتقال من نظام افسد الشخصية المصرية الي نظام جديد يحاول علاج كل اخطاء الماضي من بطالة الي تصادم مع قوي راسمالية وقوي منتفعة وقوي الانفلات السلوكي والانفلات الامني ومشاكل اقتصادية في كثير من جوانب الحياة
من يستطيع تحقيق اهداف المرحلة القادمة ..... لا اعتقد انه يخرج عن المنظومة المدينة المحمية بقوة الجيش
المقصود ان المرحلة القادمة لا يجب تعرضها لاي احتمالات لاخطاء شخصية او تعرضها لاي مخاطر غير محسوبة .....وبالتالي فلا خلاف علي قدرة الحاكم المدني علي ممارسة نفس الدور ولكن:
هناك وقاية وتنازلات وقائية وقتية وخاصة اذا ما منحنا الدستور الجديد ضمانات كافية لعدم استمرار اي حاكم سواء عسكري او مدني لمدة اخري بدور انتخابات حرة يرضاها """الشباب قبل الجميع"""

فى رأيى الذى يصلح لقيادة مصر هو شخص مصرى ولااقصد بذلك ان يكون مصرى الجنسية فقط وانما يكون مصرىالهوى فيكون عاشقا لتراب هذا البلد وان كان عسكريا او مدنيا فانه سيستخدم جميع الصلاحيات المتاحة له فى خدمة وطنه الذى يحبه ويتطلع للارتقاء به وبابنائه وهذا ليس سهلا على اى شخص فمغريات السلطة كثيرة ولكن يجب على كل من يتقدم للرئاسة مع بداية عصر مصر الجديد عصر الحرية والديموقراطية ان يضع مصر اولا امام عينه ولا يتقدم للرئاسة ساعيا الى الذى سيجنيه من اموال وعقارات وما الى ذلك لان الشعب لن يقبل بمثل هذا الانفلات مرة اخرى فقد اصبح هذا الشعب واعيا لكل ما يحدث حوله ولن يترك حقه يضيع هباءاكما حدث قبل ذلك طوال ال30 عاما الماضية

هي حاجة تحير
بس المهم والاهم فالاهم انه يكون مصري بجد حاسس بالشعب والناس بقدر يحل مشاكلهم
يقدر يحس بيهم
يفرح لفرحهم ويحزن لحزنهم

المتفوقه انتصار
صح المهم انه يحب مصر ويكون عادل تواجدك معنا راءع

متشكرة جدا يااستاذي العزيز
وتواجدي عمره ما هيكون رائع الا بوجودكم معايا وجنبي دايما

مدني ولا أسلامي هتفرق في ايه
المهم يكون في حد كويس

انا مش عارف ليه البعض يقول نريد الحاكم اسلامى وهل حكم مصر غير ذلم ام تريد حكم اسلامى لانختلف عليه بشرط احترام كل الطوتئف اللبرالى والعلمانى والشيعى واسنى والقبطى واليهودى مادام مصريا المهم ان بعد عن حكم العسكر جربناه طول عمرنا عاوزين نجرب الحكم المدنى
وشكرا لتواجدكم

اقتباس :

تريد حكم اسلامى لانختلف عليه بشرط احترام كل الطوتئف اللبرالى والعلمانى والشيعى واسنى والقبطى واليهودى مادام مصريا المهم ان بعد عن حكم العسكر جربناه طول عمرنا عاوزين نجرب الحكم المدنى
وشكرا لتواجدكم

اولا كل عام و حضرتك طيب يا استاذ طارق

محدش يقدر يختلف معاك يا استاذ طارق احنا فعلا عايزيين حاكم مسلم يطبق اسلامه اى مدنى اسلامى و ليس عسكرى
و جزاك الله خير

اه كده مدنى مسلم يتقى الله فينا ويكون قادر على تحمل المسؤليه وان ينشر الحب والموده بين كل اطياف المجتمع لايفرق فى الحقو والواجبات بين مسلم وغير مسلم

طارق المصرى كتب:

انا مش عارف ليه البعض يقول نريد الحاكم اسلامى وهل حكم مصر غير ذلم ام تريد حكم اسلامى لانختلف عليه بشرط احترام كل الطوتئف اللبرالى والعلمانى والشيعى واسنى والقبطى واليهودى مادام مصريا المهم ان بعد عن حكم العسكر جربناه طول عمرنا عاوزين نجرب الحكم المدنى
وشكرا لتواجدكم

نريد الحكم الاسلامي المضمون وليس المظهر يا طارق
بمعني ان حسني مبارك كان حكموا اسلامي مظهر وربي اعلم مني ان كان حسني مبارك يصلي ام لا
ربي اعلم ونحن شهووووووووووووود علي ان حسني مبارك المخلوع كان فاسد وفاشل وصاحب غباء فكري حاد وضمور ذكاء تنموي ادي الي شلل عقيدته وافكاره

يستحيل ان ده يكون الحكم الاسلامي الي انا وانت وغيرنا بندور عليه
الحكم الاسلامي المضمون هو السبيل الامثل في وجهة نظري بقيادة مدنيه صاحبة تنوير وابتكار .

تقصد نعيد مبادئ الخلافه الاسلاميه انسلا انسى البشر غير البشر حتى لو حكم السلفيون او الاخوان

طارق المصرى كتب:

تقصد نعيد مبادئ الخلافه الاسلاميه انسلا انسى البشر غير البشر حتى لو حكم السلفيون او الاخوان

يا حبيب قلبي في حاجه بتقول
المبادئ لا تتجزء

انا ضد الليبراليه وتطبيقها في مصر لانها هتؤدي بنا لألحاد مدقع
انا اؤيد الاسلام الوسطي وريادة مدنيه

لكن الاساس يبقي اسلامي هيكون افضل كتير
لكن انا متكلمتش وقولت ان انا محتاج ارجع الخلافه الاسلاميه
انا اصلا ضد تحويل مصر او اي دوله عربيه لمملكه
ده راسخ من مبادئي الثوريه وافكاري

بس طبعا انا مع حكم الاسلاميين وده ان شاء الله هيحصل .

رأى مع gehan


مدني ولا أسلامي هتفرق في ايه
المهم يكون في حد كويس

النورس كتب:

رأى مع gehan


مدني ولا أسلامي هتفرق في ايه
المهم يكون في حد كويس

ما هو انت شايف الكويس ازاي
اشرح قول رأيك يا عم

ممكن استفسر منك فى شئ

مين يصلح المجلس ولا المدنى واسلامى

انا بقول الثلاثة ينفعو