اولا قبل ما اتكلم عن اي شئ
باحب اشيد بدور الفريق المتكامل للصوت الحر علي مجهوداته الرائعه والتغطيه الاكبر من فائقه
وبدوره الفعال في توضيح الصوره كامله لقرائنا من كل مكان بالعالم
وبادعوهم للمزيد من العمل لكي نعلوا الي ما هو فوق القمه ...
ثاني الشئ وده الضروري جدا
باشكر ساندي علي طرحها الرائع بل والاكثر من رائع في كل مجهوداتها في الموقع لانها اصبحت بصمه تنير وتظهر بكل بقعه من بقاع المنتدي
وقبل ما اتكلم عن الموضوع احب اقول جمله صغيره
الاختلاف في الراي لا يفسد باي حال من الاحوال للود قضيه ...
تعليقات علي الموضوع ...
- ساندي كتب:
تناقلت وسائل الإعلام منذ يوم الأربعاء الموافق 9 ديسمبر ما يفيد أن السلطات المصرية تقيم جدارا فولاذيا على عمق بين عشرين وثلاثين مترا تحت الأرض لمنع التهريب عبر الأنفاق إلى قطاع غزة، وأن الجدار من المفترض أن يبلغ طوله عشرة كيلو مترات، وأنه سيستحيل اختراقه أو صهره؛ حيث إنه سيكون عبارة عن عدد من ألواح الفولاذ في عمق الأرض، ويفترض الانتهاء منه بعد 18 شهرًا وان الجدار يقام باشراف وتمويل امريكيين .
- تعليقا علي الجزء ده اولا : السلطات المصريه لا تقوم بجدارا فولاذيا وانا اؤكد علي ذلك هي بعض الانشائات الهندسيه الي تحمي مصر وامنها القومي من الداخل والخارج لان مصر وعلي علم العديد من الشخوص انها مستهدفه من كل بقاع الارض
- وان في قوي خارجيه بتعمل علي ايقاف مصالح مصر وموتها موت اكلينيكي لذلك كان من الضروري عمل حل وسط ويكون له فائده وميعملش ضجه ولا ياثر علي العالم الخارجي باي حال من الاحوال
- كمان يا ساندي انتي نقدتي ده وبعدين نقدتي كل كلامك
- انتي كاتبه ان الانشائات دي الي مهما اختلف مسماها هي لمنع التهريب عبر الانفاق وده صحيح لو كنتي فاهمه ان الوحيد الي يعرف بوجود الانفاق من عشرات السنين هما الشعب بس
- تبقي غلطي لان الانفاق دي معروفه وبالتاكيد لدي اجهزه المخابرات والحكومه المصريه
- وبالتاكيد ان الحكومه المصريه تضامنا مع القضيه والشعب الفلسطيني كانت سيباهم
- لكن لازم انك تعرفي حاجه مهمه واكتر من مهمه
- عندما يثار اللغط والكلام الكثير الي ملوش اي قيمه الي هو مجرد توجيه الراي العام عن القضيه الاساسيه هي دي القضيه مش القضيه الانشاءات خالص
ده شئ طبيعي جدا من ان كل دوله بقدر المستطاع بتعمل احتياطاتها ما عملت حائط جوي وصاروخي في بولندا عشان تحاصر السوفيت او روسيا واعوانا من الصين وكوريا
الي بتكمل مجموعه الحوائط الصاروخيه بتاعتها وبتجهز عدتها لكل شئ
نفسها الي بتكون الاساطيل البحريه بتاعتها الي في منهم بيعمل بالطاقه النوويه
كل ده ليه ؟؟؟
- ده عشان تضمن بقائها كدوله عظمي وتضمن وجودها وتلغي اي تاثيرات ممكن تاثر عليها
بس ايه هي القضيه الاساسيه ؟؟؟
- القضيه هي المحتل والي وقع عليه الاحتلال
اسرائيل وامريكا وفلسطين في كفه تانيه
بقي الشغل الشاغل للعالم العربي والاوروبي هي مصر فين اسرائيل المحتل لازم بيوفر للشعب الي احتله المواد الغذائيه والمؤن والطعام والشراب لانه هو الي احتله وان كان علي اسس غلط لكن دي الحقيقه المره
اسرائيل من ناحيه وهي الي محتل طب يعني مش يحقلها انها تثير الكلام والاقاويل لانها المحتله لكن ما باليدي حيله
- في برضه حاجه انتي قلتيها ومهمه جدا جدا جدا
- قال في تصريح رسمي ليه ان الانشاءات الهندسيه هي بايد مصريه وعماله مصريه واموال مصريه
وكل الاقاويل الي بتقول انها امريكيه ده كله بالفظ كلام فاضي
وانا مصدري الي بجيب منه الكلام من المصدر من صاحبه
لكن الموضوع ان المعارضه والجرائد ووسائل الاعلام امثال رائده اثاره الفتن زي الجزيره هما الي بيحاولوا ينشوروا الافكار السامه لفكر مشاهديها معتمدين علي الثقه العمياء الي وثوقوا فيها
- ساندي كتب:
وقد كثفت السلطات المصرية القوات الامنية ونشرت 200 شرطي وكثفت دوريات العربات المدرعة علي طول الحدود معربة في ذلك ان بناء الجدار الفولازي من اجل انشاء محور امني ومنع تهريب الاسلحه عبر الانفاق وان هذا يختص بحق التصرف علي اراضيها .
اما عن راي الحكومة الفلسطينية فقد دعت السلطات المصرية الي عدم اتخاذ أي اجراءات من شأنها زياده الحصار واضاف بان الشعب الفلسطيني لم يكن في يوم من الايام ولن يكون يشكل خطرا علي الامن القومي لمصر ويري الفلسطينيون ان هذه الانفاق ذات اهمية بالنسبة لهم حيث تعتبر خط الحياة التجاري الحيوي للغذاء والدواء والوقود الذي يجلبونه من مصر .
اها الان بيقولوا زياده الحصار علي الشعب الفلسطيني
صحيح زي ما بنقول امشي مع الكداب لحد باب الدار
اولا ... مين الي كان بيعمل المصالحات بين فلسطين واسرائيل ؟؟؟
مصر
مين الي كان بيوقف مرحله السلام وعدم اتفاق الاطراف والفصائل ؟؟؟
مش عارف اسيبكوا انتوا تقولوا
مصر دائما ستظل الحصن الحامي للعرب رغم انف العديد
وبعدين مسمعناش عن الي قاله الحزب الجمهوري الامريكي عن مصر ؟؟
التهزيئ للسياسه المصريه وطرق تعاملها مع السلام مع ان الحزب الجمهوري ده هو الداي للحروب مع العراق وافغانستان وباكستان وممول حروب غزه
يعني كلام غريب جدا وغير منطقي دائما القاء الدفه بييجي علي الدوله الام
مصر
- ساندي كتب:
ومن هذا المنطلق اطرح عده اسئلة :
•هل مصر ام العروبة تساهم في تضييق الحصار علي الفلسطينيين ؟
•ما حقيقة الجدار الفولاذي ؟
•هل تشترك مصر مع اعداء الاسلام واعداء العروبة من اجل مصالح شخصية ؟
•كيف يعتبر الجدار الفولاذي محور امني وهو تحت الارض ؟
•اذا كان الجدار لا يشكل خطرا علي الفلسطينيين ولا يساهم في زيادة الحصار اذن لماذا يثور العالم ضد مصر عامة و يثور العرب ضد مصر خاصة ويدعو الي مقاطعة مصر ؟
اولا ::: لا طبعا مصر بانشائتها لن توقف فتح المعابر لمرور الفلسطينيين
واحنا في العريش شاهدين علي الكلام ده
ثانيا ::: انشائات هندسيه عملتها مصر بتمويل مصري للحفاظ علي امنها القومي ضد اي هجوم خارجي او اي استغلال غير سليم لاراضيها
مثلا خليه حزب الله مش ده ضد الامن القومي المصري ؟؟؟
تفجيرات الازهر الي استخدم فيها نوع من المواد التفجره الغير مصريه وانها من الخارج واتبت كده المعمل الجنائي
وكمان محاولات الهروب للذهاب الي اسرائيل عن طريق الانفاق مش ده بيعتبر ضد الامن القومي المصري
لو كنا فاهمين ان الانفاق دي هي سوق عادي للبضائع نبقي غلطانين الانفاق دي مجرد سوق سوداء لتهريب البضائع والنقل الغير المشروع لها وبيعها في الاسواق السوداء
ودي الحقيقه المره الي لازم نكون عارفينها كويس جدا
مش دول واكتر بيعتبر ضد الامن القومي المصري
بعد كل الكلام الي انا قلته لا اعتبر الي عملته مصر هو باي شكل واي حال من الاحوال هو مصالح شخصيه
ولا تواطؤ لكن التواطؤ الحق عندما نجد العلاقات الاردنيه العبريه بتزداد في النمو والكويت وقطر وغيرها وغيرها من الدول العربيه الي بتقف عائقا في طريق السلام الشامل والكامل
انا مش بهاجم الامه العربيه لكن الحكام هما الي بيعملوا كدا
هو بالتاكيد محور امني لمنع تهريب الاسلحه من والي الاراضي المصريه
وعدم احداث كوارث علي الاراضي المصريه
- دي النقطه الاخيره الي احب اختم بيها كلامي
في ايادي خفيه هي الي بتبين عدم احقيه مصر في الدفاع عن امنها القومي لاغراض شخصيه وده الي هيظهر وبالتاكيد لطالما ان الحق هو دائما ودوما هو الي بينتصر ولكن بالنهايه
- وبفول كلمه صغيره انا دائما بارددها ..
- ... هذه امتنا فدعونا نعيشها ونفعل بها ما نشاء...
admin
موضوع: ما حقيقة الجدار المصري الفولاذي ؟ 
