الانتماء السياسي , ما هو انتمائك السياسي ؟ ( مطروح للمناقشه )

قبل ما ابدأ في الموضوع عندي مقدمة بسيطه كده لازم كلنا نكون واخدين بالنا منها
الشعب المصري الي كان بعيد كل البعد عن السياسه وعلوم المجتمع دخل فيها بالفعل وبدأ يقول رأيوا ويشارك العامة في ارائوا ودخلنا بقي في افكار كتير اوي ودخلت علينا مفاهيم كتيره كانت مش موجوده .

كل ده جميل جدا كل الحاجات دي اثرت افكارنا بس بقي التقبل للرأي الاخر هي مشكله عويصه بدأنا نبحث عن حلول وجدنا انفسنا امام الليبراليه والحريه بمعناها السامي الغربي قد وجهت عقول البعض لاتجهات معينه بأن ( ده رأيك اوعي تتخلي عنوا ) , ونقطه مهمه كمان كنت بسمعها ( لو انت بتحب الزمالك ليه تشتم الاهلي خليك في حالك , لو انت بتكرة مبارك خلاص متعديش صفحة انا أسف يا ريس او انتفاضة ابناء مبارك , لو بتكرة الاخوان خلاص متشتمهمش خليه يقول رأيوا ) هذه الكلمات المعسوله رغم طيبة مظهرها ووحلاوة رونقها إلا اننا نجد فيها انه لا يسمح لك بقبول الاخر او قبول افكار الاخر لأن هذه افكارك وهذا هو انتمائك السياسي , رغم اننا في مصرنا الغاليه جديد عليا كلمة ( ما هو انتمائك السياسي ) اصبحنا نتكلم كثيرا بهذا الصدد واصبح لدينا من الكبر ما يمنعنا من قبول المناقشات وكلامنا في تبدل , منا من يسأل وعندما يعجز يقول ( انا مش مع ده ولا ده ) لكن هذا هو الخطأ ومن هنا بدأت المشكله .

الانتماء السياسي لا يعني الانتماء للحزب بالمشاركه فيه بصوتك او مثلا بالعاميه يكون ليك كارنيه فيه
الانتماء السياسي هو انتمائك الفكري ليه او انجازبك لأفكار الحزب ده او حبك للمشاركه فيه ومش معني ان انا من اصحاب الفكر اليساري يبقي انا لازم اشاركهم في احزابهم ممكن انتمي للفكر ده بس انا مش بشارك فيه لكن ( انا فقط معجب بأفكارهم ) .

ومره اخري وبأسلوب أخر الانتماء لا يلزمه انتساب شكلى بل قبول فكرى


لذلك فان كل من يعجبه افكار فصيل سياسى ما فهو ينتمى اليه فكريا و ان كان لم يطور ذلك باجراء شكلى " الحصول على العضوية ".. كما و ان عدم حدوث هذا الاجراء لن يمنعه من اعطاء صوته لهذا الحزب او ذاك
لذلك فان الحديث بالسياسة .. و ابداء الاعجاب بافكار فصيل ما مع الاستمرار بمقولة " انا غير منتمى لاى فصيل سياسى " هى مقولة خاطئة تماما سببها عدم الاهتمام بالشأن السياسى من قبل او مثلا عدم رغبني في الظهور بشكل خاطئ امام المحاورين او مثلا لامبالاه جائت عن طريق الخطأ مع العهد السابق الذي ما ذالت افكاره تسري في عقولنا .

لذا بعد كل ما قرأت
ايه انتمائك السياسي ؟