ماذا تريدون من البرادعى بالله

بدالنظام السياسى المصرى فى موقعه هو نفسه من مصر.. هل يراها بلداً يخدمه أم يراها بلداً يملكه؟ فى مقال لاحد كبار الكتاب بجريدة الجمهورية تصدى الكاتب لتفنيد البرادعى وضربه بعد أن تعرض فى بداية المقال لإنجازات الرئيس مبارك، متحدثاً عن أن الإنجاز الأكبر للرئيس مبارك أنه حقق أطول فترة تحرر فى تاريخ مصر الحديث وأنه نجح فى عدم تعريض مصر لعدوان أو توريطها فى حرب...
والواقع أن هذه ليست المرة الأولى التى أستمع فيها أو أقرأ مثل هذا الخطاب 0 نعود للمقال فنجد كاتبه يخصص الجزءين الأخيرين منه لمهاجمة البرادعى، ويبدأ هذا الهجوم بقوله «نأسف انت لم تكن معنا»، متحدثاً عن أن البرادعى يجىء بعد ٢٧سنة قضاها مرفها منعما ـ على حد قوله ـ فى الخارج ما بين نيويورك وفيينا، متهماً إياه بأنه لم يضع طوبة واحدة فى بناء مصر متحدثا عن هذا البناء الذى تم على مدى ٢٩ سنة والتى أقيمت فيها المدارس والمستشفيات والطرق والكبارى والأنفاق وشبكات المياه والصرف الصحى والكهرباء والاتصالات والمساكن، متهما إياه أى البرادعى بأنه لم يبن شيئاً فى مصر سوى بيته على طريق مصر الإسكندرية الصحراوى المشكلة أ الهجوم على الدكتور البرادعى وهو متوقع، أما ما هو غير متوقع فهو المنطق المستخدم فى هذا الهجوم والذى يفضح كيف يفكر هنا فى مثل هذا الخطاب ليست فى المبالغة فيما تم من إنجازات من المؤكد أن بعضها صحيح، ولكن فى النظر إلى هذه الإنجازات وتجاهل ما تم فى مواجهتها من ترد فى كل القطاعات..
المشكلة هنا تبدو واضحة فى تعليق الأخطاء على شماعة أن مصر كانت مستهدفة وأن هذا الاستهداف هو الذى حال دون المزيد من الإنجازات وهو المسؤول عن عدم القدرة على الترقى والتقدم وتحقيق الرفاهية للجميع، بينما نعلم جميعاً أن الفساد الذى استشرى هو الذى أصاب كل شىء بالتردى كما نعلم أن الفائدة الكبرى ذهبت لرجال الأعمال ولم تذهب إلى أبناء هذا البلد من المهنيين والموظفين الذين استحالت عليهم الحياة، فخرجوا يحتجون، لذا فلا أعتقد أنه من الملائم التلويح برفاهية الرجل وكأنما رجال النظام المصرى وأربابه يعيشون فى ضنك.
الاتهام للبرادعى هو بأنه يسعى لرئاسة الجمهورية وهذا ليس صحيحاً، فقد أغلق النظام المصرى هذا الطريق تماماً على يد ترزية قوانينه ما لا يدركه النظام وكاتب هذا المقال ومن هم مثله أن القضية ليست فى الدكتور البرادعى ولا ماذا فعل أو لم يفعل. القضية أن الناس تريد تداولاً للسلطة واذا كنتم ترون أنكم قد فعلتم الكثير لمصر فنحن نقول لكم شكرا فقط اتركوا لغيركم الفرصة ليفعل ما يستطيع..
هذا هو منطق تبادل السلطة.. المشكلة أن النظام ورجاله يتصورون أنهم يملكون البلد وإلا لما قال كاتب المقال إن البرادعى قبل تكريم النظام له بقلادة النيل والدكتوراه الفخرية ثم أهدر شرعية النظام. الحقيقة أن مصر هى التى منحت الرجل القلادة والدكتوراه، ومصر هى التى تطلب التغيير الآن.

اولا اطلب نقل الموضوع لانوا اتحط بمكان غلط مكانوا نقطه حوار

شكرا ...

اما الموضوع جميل لكن مفيش مجال لتغيير شئ او انتظار نتائجه .

وده موضوع اتمني يا طارق انك تقراه

اسمه البرادعي والتسول السياسي

الرابط

https://el7or.ahlamontada.com/montada-f37/topic-t466.htm#1949

من عبونى سوف اعود اليه وشكرا

نريد منه الايتدخل مستر برادعى بين شوننا كمصريين

الزعيم كتب:: نريد منه الايتدخل مستر برادعى بين شوننا كمصريين

من حق كل مصري ان يرسم مستقبل جيد لبلده وابناء عشيرته للتقدم
وليس من حق اي شخص منعه من مزاوله نشاطه السياسي او التشكيك في هويته وانتمائه لوطنه
ويجب ان نري الحقيقه بأعين بصيره
وان نحدد هدف لنا في هذه الحياه وان يكون لنا من ننتخبه ونوليه اصواتنا
وحب التغيير هو هدف سامي جدا نسير ورائه
وشكرا لكل من شارك بالموضوع ومنتظرين تعليقاتكم

....

admin

التغيير المقنن و ليس التغير الاهوج هو ما يكون هدف سامى
اما الاخر فهو تهور غير حكيم

اقتباس :: التغيير المقنن و ليس التغير الاهوج هو ما يكون هدف سامى
اما الاخر فهو تهور غير حكيم

صح بس ده لو فعلا اهوج ....

مش اى تغيير نجرى وراه لانه مجرد تغيير
المفروض نأيد التغيير الواعى الوطنى و ليس التغيير القادم من الخارج

اولا خلينا واقعيين للغايه بعيدا عن الشعارات الي دايما بنسمعها

مظهرش الي الان في الصوره للي ابدوا رغبه دخول الانتخابات سوي مثلا 3 او 4 بالكتير

ويمكن اكون غلطان بس ده لتصوري انا الشخصي

منهم البرادعي وجمال مبارك والامين عمرو موسي وأديب مش عارف اسمه ...

المهم لو جينا واتكلمنا عن الناس دول هنلاقي عن التواجد في مصر هنقول لو ان البرادعي بره بس الراجل مش معني كده انوا خلاص مش يعرف اي حاجه عن بلدوا دي برضو بلدو وغير كده جمال مبارك ازاد الله في عمروا واخد هو كمان اقامه شرفيه في بريطانيا يعني هو مش زينا هو واحد اتربي بره واما الاديب كان موجود لكن كاتب قصه وروايه ازاي يحكم دوله مش عارف .. اما امين الجامعه العربيه عمرو موسي يمكن معرفش عن نيتوا لكن عن دخولوا لو تم انا مش بأيد لانوا هيدخل مصر في حرب بعد رئاسته ..

نيجي نتكلم عن المنطقيه انا شايف ان البرادعي منطقي كتير في مثلا تعديل الدستور والماده 76 الي اصلا لا تعطي الاحقيه لاكثر من 99% من الشعب المصري الترشح للانتخابات
وغير كده البرادعي دم جديد للدوله
علاقاته الخارجيه فوووووووووووووق الممتازه وده مش كلامي
البرادعي صنف علي انوا 7 اشهر شخصيه سياسيه علي مستوي العالم وجمال 222 علي مستوي العالم
واشهر شخص في مصر ودارس قانون دولي
واشتغل كمدير للوكاله الذريه ومشهود ليه بالكفائه نيجي اما يرجع ويبدوا افكاره للاصلاح بالبلد والتنفيذ نقف ضده ؟؟؟؟؟؟؟

ده يبقي قرار غير عادل بالمره وفي حجر علي افكار الكثيرين .....

اولا مش ينفع يدخل 2 فى الرائسة تابع للحزب الوطنى
اى
عمرو موسى و جمال مبارك
ثانيا عمرو موشى ولا جما ل حد فيهم اعلن عن دخوله فى الانتخابات
والادييب مش عارف ظروفه
و الحزب الوطنى قال هيحدد موقفه على نهاية السنة
المتوقع و غالبا الرئيس مبارك
ايمن نور
البردعى
و غالبا محمود اباظة

و عمرو موسى هيدخل مصر فى حرب ازاى
ده راجل سياسى من الطراز الاول
و صنف افضل وزير خارجية لمصر

و يا اشرف مش اللى بيسمع عن مصر فى برامج التوك شو
زى اللى عايش جو مصر

+
ان البردعى كان فى الفترة اللى فاتت كان مشغول بقضايا المنظمة الدولية

يعنى لسه متجه انظارة الى مصر فىاليوميين دول
بعد اما خرج من رأسة الوكالة

عموما
لختلاف الارأى لا يفسد الود قضيا

شكرا ليك

اولا انا لما قصدت في الكلام عن الرئاسه قصدت الناس الي بيتكلموا من الشعب
متصورين مين الي هيعدي

انا مرضدتش اكتب وليد سليمان علي فكره مع ان في تأييد كبير ليه بعد البرادعي في استفتاء موقع انا شوفته

انما 2 من الحزب او غيرو لا انا مقصدتش كده
لان لو تم تعديل الدستور من الممكن ان عمرو موسي يعدي كمستقل عادي
لو اتيحت ليه الفرصه

اما بنتكلم عن الي ظاهرين بالفعل

الي بيعملوا احمد عز من تجميع لقيادات الوطني تحت شعار الوطني للجميع ده شعاري طبعا
والي بيعملوا جمال مبارك من سفروا وتواجده في اسخن المناطق والاماكن بالدوله
وسفروا ووجوده بالصوره اكتر من مره هل ده افعال عاديه

اما عن دبلوماسيه عمرو موسي مختلفناش عليها لكن تهوره موجود لان ليه مواقف كتير مع ابتكارر الخلافات الدوليه

مش اقصد انوا غلط لكن اقصد انوا الصح بيبقي عندوا وش واحد
واخر المواقف الفذه قرار وطلب ادخال تركيا وايران لحضور الجامعه العربيه وأثار كلامه سخط العديد من رؤساء الدول والرفض التام ....

تسمي ده أيه ؟؟؟؟

البرادعي هو كارت تغيير
يعني انا شايف انوا اصلح مليون مره من اي واحد يعدي
تاريخ وعقل ودراسه ومكانه ومستوي رفيع غير مسبوق وغيرهم كارت تغيير مش برضو موضوع احسن من غيروا لكن هو كده بالفعل وليه نظره ممتازه يعهدها وينشأها كل مصري في ذهنه ولا تختلف مع اي مصري موجود بالفعل ...

اما عن مستوي البرادعي العلمي
اخواني البرادعي هو من كبار علماء السياسه والاقتصاد
التحق بكليه الحقوق بنيويورك ووحصل علي الماجيستير والدكتوراه
وشخص ومن صغر سنه واسع الاطلاع

وفي سنه 84 كان ظهوره الحقيقي علي ساحه وكاله الطاقه الذريه حيث انه عين كمدير لمكتبها بنيويورك وسرعان ما تحول الي مدير للشئون القانونيه وأشرف علي عقد العديد من الاتفاقيات الدوليه التي تتعلق بالرقابه علي الاسلحه النوويه
وبعد ذلك لمع اسمه كمسؤل دولي علي اعلي مستوي وانتخب كمدير عام للوكاله مرتان متتاليتان لكفائته الشديده ومواقفه الفذه وعزيمته الشديده التي لا ترضي ولا تقبل بالضغوط وان لديه هدف يسعي لتحقيقه وهو تحقيق العدل والسلام والمساواه وانه لايوجد من يستطيع ان يمنعه من ذلك وان كانت امريكا وحكومتها ..........

لكن يجب علينا ان نعمل عقلنا وبشكل جدي البرادعي بعد التاريخ المشرف كسابع شخصيه سياسيه علي مستوي العالم وبعد مواقفه الفذه للوقوف مع الحق
اعتقد ان البرادعي هو شخص سياسي داخلي وخارجي من الدرجه الاولي وسيعمل علي رفعه وتكبير شأن هذا البلد

لما نحرم افكار فذه نالت اعجاب وتقدير العديد من المصرين من الظهور والنماء
الاصلاح يبدأ بخطوه واعتقد انوا خطوه مهمه في طريق الاصلاح .

admin

اما عن دبلوماسيه عمرو موسي مختلفناش عليها لكن تهوره موجود لان ليه مواقف كتير مع ابتكارر الخلافات الدوليه

مش اقصد انوا غلط لكن اقصد انوا الصح بيبقي عندوا وش واحد
واخر المواقف الفذه قرار وطلب ادخال تركيا وايران لحضور الجامعه العربيه وأثار كلامه سخط العديد من رؤساء الدول والرفض التام ....

تسمي ده أيه ؟؟؟؟

لا تعليق

:scratch:

الزعيم كتب:: اما عن دبلوماسيه عمرو موسي مختلفناش عليها لكن تهوره موجود لان ليه مواقف كتير مع ابتكارر الخلافات الدوليه

مش اقصد انوا غلط لكن اقصد انوا الصح بيبقي عندوا وش واحد
واخر المواقف الفذه قرار وطلب ادخال تركيا وايران لحضور الجامعه العربيه وأثار كلامه سخط العديد من رؤساء الدول والرفض التام ....

تسمي ده أيه ؟؟؟؟

لا تعليق

:scratch:

وضح ؟؟؟؟؟؟؟؟؟؟؟؟؟؟؟؟؟؟؟؟؟

يعني ايه لا تعليق ؟؟؟

قرار عمرو موسى ليش ابدا بالسىء فى ادخال تركيا و ايران فى جامعة الدول العربية
بل من المنترض ان تدخل جميع الدول الاسلامية و تبقى كلها جامعة الدول الاسلامية

لان الكترة تغلب الشجاعة

خصوصا ان ايران و تركيا دول زات تأثير كبير فى الشرق الاوسط و مكانة مرموقة و كلمة مسموعة

اظن انه القرار الصائب

اولا لو هو بالصائب زي ما انت بتقول

احب اوصلك حاجه

يمكن ايران رغم حبي النسبي لسياستها ودعهمها حاليا لانها مثلا واقفه قصاد الكيان الصهيوني
الا ان برضو ليها اطماع عربيه

مثلا ايران عندها الخليج العربي اسمه الخليج الفارسي مطامعهم هي تحويل الخليج العربي الي فارسي وده شئ انا اعتبره مضاد للاسلام لان ايا كانت ايران في قوتها الا انهم شيعه ولا اتصور تكون اكبر دوله اسلاميه ماشيه بالحكم الشيعي لان كلنا عارفين تفكير الشيعه للاسف

كفايه عدم اعترفهم بان الرسول لم ينزل عليه الوحي بل ان سيدنا محمد هو من اخذ الوحي عنوه من سيدنا علي وده خطأ كبير جدا وغير انهم بيكرهو ا اسهل السنه والسلفيين وبيعتبروهم اعداء ليهم بل وممكن انهم يقتلوهم وغير ده كلوا تغيير الاذان بيقولوا بدل سيدنا محمد رسول الله بيقولوا سيدنا علي ولي الله ...

طبعا الاسلام افاعال واخلاق وعادات والانقسامات الي طلعت للمسلمين كلها غير مسلمه الا واحده الي هي امه سيدنا محمد صلي الله عليه وسلم

عشان كده كان قرار ادخالها غلط حبتين أو انهم غير واضحين الاتجاه والملامح

وغير ده كلوا هما اصلا عاوزين يكبروا المد الشيعي في العالم العربي من بعد الي عملوا في العراق من انقلابات بالجمله علي السلطه وغيروا لانهم قوموا الجانب الشيعي ودعموه فنقلب علي السلطه .

لا أتصور مع كل هذا انهم مثلا يدخلوا يشاركوا مش بحب السم في العسل ...

بص يا اشرف
سواء ايران او غيرها
اى دولة فى العالم تتمنى ان تكون لها نفوذ فى اى مكان فى العالم ..دى حاجة

التانية ازاى انها سبب فى انقلاب الشيعة على السلطة و متى تم ذلك؟؟؟؟؟؟؟...........

التالتة : ليه تبص للجزء الفارغ من الكباية
بص للى ممكن تعمله ايران و تركيا من تأثيرها فى الشرق الاوسط و مكانتها و نفوزها
المفروض نستغل كل الامكانيات ........
و نتوحد القرار كدول اسلامية ......بغض النظر عن تفكير عن الاشاعات

رابعا :انت تناوت ايران و لم تتطرق الى تركيا
و لنفرض ان ايران سيئة
اظن تركيا على النقيض تماما

لا اتصور مع كل هذا الا انهم يشاركوا :مش تنظر الى الجزء الفارغ من الكوب

اقتباس :: بص يا اشرف
سواء ايران او غيرها
اى دولة فى العالم تتمنى ان تكون لها نفوذ فى اى مكان فى العالم ..دى حاجة

بص هقولك حاجه انا مش بتكلم عن أي مد انت فاهم المد الي انا اقصده ايه
المد الشيعي لدولتهم وانها تسيطر علي الفيل العربي
عايزين يتملكوا الصداره في كل حاجه مع ان اسلامنا ودينا قال الشيعه لا
لان الاصلاح جاي من ناس بتحب الله ورسوله مش معترفين انهم هما الي قتلوا الخلفاء وسعداء بكده

تصوري لأيران كدوله نظاما وأسلوبا وحكمه
لكن مع كل دول في الهمجيه والتسرع

اقتباس :: التانية ازاى انها سبب فى انقلاب الشيعة على السلطة و متى تم ذلك؟؟؟؟؟؟؟

لما حصل ان كان في ولايه عراقيه مش متذكر الاسم بس الي انا متذكره انهم كانوا بدايه الانقلاب علي العراق والنظام الحاكم ولما عرف صدام امر مجموعه من القوات الخاصه تنهيهم وتم

وبعد كده انهالت وقويت شوكتهم ووقفوا ضد العراق وزاد قوه الشيعه ومدهم في العالم العربي

اقتباس :: التالتة : ليه تبص للجزء الفارغ من الكباية
بص للى ممكن تعمله ايران و تركيا من تأثيرها فى الشرق الاوسط و مكانتها و نفوزها
المفروض نستغل كل الامكانيات ........
و نتوحد القرار كدول اسلامية ......بغض النظر عن تفكير عن الاشاعات

انا مش بصيت علي الجزء الفاضي اطلاقا
بل انا شايف ان فرار زي ده كان حاليا غلط حبتين
لان برضو رغم كل الي عملتوا ايران من خير او شر
الا ان معالمها مش ظهرت لغايه دلوقتي ولا وجهاتها السياسيه الفكريه
المكانه والنفوذ اخاف يكون الرد عكس الي في دماغك لان العرب اغلبهم ايران دي حاجه مهمشه دوله زي اي دوله مش اسلامي وهما بيكرهوهم جدا وبعتبروهم دخيل عليهم وتركيا نفس النظام بس تركيا واقفه جنب الحق وغير كده تقم كويس وشغاله تمام

اما عن الاشاعات
لا دي مش اشاعات دي للاسف واقع

اقتباس :: رابعا :انت تناوت ايران و لم تتطرق الى تركيا
و لنفرض ان ايران سيئة
اظن تركيا على النقيض تماما

تمام بس الغرض في النهايه واحد قرار دخول واحده اصلا بيجيب التانيه ولما اتحججنا وقولنا هو للعرب يبقي بالتأكيد حرمنا تركيا من الدخول

اقتباس :: مش تنظر الى الجزء الفارغ من الكوب

في واحده في مره ردت عليا وقالت
لو انا ببص علي الجزء الفارغ فده عشان امليها بس مش احبط نفسي
اتصور ان دي برضو الاجابه

بصوا يا شباب طبعا الموضوع جامد اوي
وبيعرض كذا قضيه
من الترشح للانتخابات للكوسه الي في البلد للعالم العربي وبعدين الاسلامي والجامعه واسرائيل وامريكا واقطاب العالم
...
لازم نحدد لنفسنا جزء نتكلم عنوا الاول عشان نحدد كلامنا ومش يروح في الهوا .

صح ؟؟
شاوووووووووووو

d12 كتب:: بصوا يا شباب طبعا الموضوع جامد اوي
وبيعرض كذا قضيه
من الترشح للانتخابات للكوسه الي في البلد للعالم العربي وبعدين الاسلامي والجامعه واسرائيل وامريكا واقطاب العالم
...
لازم نحدد لنفسنا جزء نتكلم عنوا الاول عشان نحدد كلامنا ومش يروح في الهوا .

صح ؟؟
شاوووووووووووو

كلامنا محدد جدا
بنتكلم عن كل حاجه اهم حاجه المناقشه

مرور جميل جدا يا لورد
وعايزين رأيك الشخصي ..

الي احنا بنتكلم فيه
ان البرادعي هو ديل الاخوان المسلمين وايمن نور
متطرف انسان همجي وملوش هدف
وعامل ضجه بلا داعي
تقبلوا وجهه نظري

دى 12 تحياتى لك بجد
هو ده رئيك وانا احترمه جدا
ولكن لايجب ان نسفه كل الناس
يعنى انت وبجد عاجبك حالنا بجد

ممكن تحدد وصفك يعنى ايه
البردعى ديل للاخوان المسلمين؟؟؟

انعكست أصداء بطولة كأس العالم الأخيرة علي شباب الفيس بوك
الذين استغلوا شهرة الأخطبوط «بول» الذي لم يخطئ مرة واحدة في اختيار
الفرق الفائزة؛ في تدشين جروب جديد علي الفيس بوك سموه «الأخطبوط بول
يختار البرادعي رئيساً لمصر»، وتجاوز عدد المنضمين إليه 1000 شخص في أقل
من 24 ساعة.
ولجأ مؤسسو الجروب إلي محاكاة عملية اختيار الفرق الفائزة بكأس
العالم، عن طريق اختيار طعامه في واحدة من حاويتين متماثلتين تحمل كل
واحدة أحد علمي الدولتين المشاركتين فيها، ووضعوا صورة البرادعي «بدلاً من
أعلام الدول» في إحدي الحاويات، وصورة جمال مبارك في الحاوية الأخري؛
وأظهروا أن الأخطبوط اختار البرادعي!
ووصلت سخرية أصحاب الجروب وأعضائه مداها عندما علّق أحد الشباب
علي صفحة الجروب الرئيسية قائلاً: «الأخطبوط ده هايتحبس في أبو زعبل»،
مضيفاً «إزاي يختار البرادعي ويسيب الأستاذ جمال؟.. الله يرحم الأخطبوط
زمانه اتقتل أو حصلت له حادثة».
وكتب آخر: «عاجل.. أنباء عن وفاة الأخطبوط (بول) بإسفكسيا
الخنق بعدما تم الاعتداء عليه من قبل سمكتي قرش ماسكين جرنال مخروم»، أما
أحمد نعيم - أحد أعضاء الجروب - فقال: «حلوة بس هيهات، الوضع عندنا في مصر
مختلف، أكيد الحزب الوطني هيروق الأخطبوط ويخصص له أرض في الساحل الشمالي
وشرم الشيخ عشان يغير موقفه!».
وتطرق أحد أعضاء الجروب - ساخراً - إلي توقعات البغبغان الهندي
للمباريات واختياره للبرادعي أيضاً، وقال: «طبعاً رؤساء تحرير النظام
حيطلعوا يقولوا دلوقتي البغبغان ده عميل لأمريكا، ويطلع أمه أصلاً كانت
بتقف علي شجرة في جنينة البيت الأبيض، أو يمكن يطلع بغبغان إيراني، متربي
في طهران وهو اللي وصل الشيك للبرادعي أيام ما كان عامل فيها حمامة».
وسخر قراء جريدة الدستور من الخبر حيث علق أحدهم قائلاً: «انا
متأكد لو جابوا الاخطبوط وخيروه بين البرادعى والبرادعى ... هيطلع يقول
فين مباااارك ...؟!».
وقال أخر: «وايه يعني الاخطبوط بول .. طيب ما احنا عندنا الاخطبوط ( عز ) اللي تنبأ بنتائج انتخابات مجلس الشوري وطلعت صح».
وكتب أخر :«يا اخوانا انتو مش فاهمين الاخطبوط اللى ماسك فى تلابيب البلد عايز يمسك البرادعى ويخنقه».
وعلق أخر قائلا: «أحب الاخطبوط».

زائر

ههههههههههههههههههههه

اخطبوط بول اخطبوط عز
لو فى شفافيه قى الانتخابات كان ممكن يكسب البرادعى لكن وعلشان فى كوسه
جمال مبارك كسبان كسبان
يعنى خلاص عليها الدمار وراحت فى داهية البلد دى الى احنا كل شويه نخرب فيها اكتر واكتر ارحموها شويه بقى والله كلنا هنتحاسب على كل الى بيتعمل ده يوم القيامه وابقوا شوفوا الحساب هيبقى عامل ازاى
حسبى الله ونعم الوكيل

» "الأشعل" يقترح شروطا جديدة للرئيس تطيح بـ"البرادعى" و"موسى"
» البرادعى» يدخل الكنيسة بمفرده ويغادرها
» "البرادعى" يحذر من إخفاء مبارك لأدلة إدانته
» الشرقية تشهد أول مصادمات بين أنصار البرادعى وجمال مبارك
» "البرادعى" يتغيب عن لقاء شباب الأطباء المضربين بوزير الصحة