شهيد مصر

خالد محمد سعيد








شاب مصري عنده 28 سنه من منطقة كليوباترا بالاسكندريه




و صاحب مكتب استيراد و تصدير








كان قاعد في نت كافيه في وقت متاخر بالليل


و دخل بتوع المباحث بيفتشوا كل اللي قاعدين باستخدام قانون الطوارئ..


خالد اعترض و قال احنا بنتفتش ليه


كان تمن السؤال البرئ ده ان اتنين مخبرين مسكوه و نزلو فيه ضرب في المحل و
في الشارع و في مدخل عماره جنب النت كافيه


ولما فقد وعيه قعدوا يخبطوا وشه في الرخام بتاع السلم و في مدخل العماره
علشان يفوق


أخدوه وهو جثه و حطوه في البوكس و بعد 15 دقيقه رجعوا رموه ف الشارع لما
إكتشفوا إنه مات


كل واحد فينا ممكن يكون خالد


خالد ماكانش ليه علاقه بالسياسه من قريب او بعيد زى معظم المواطنين
المصريين


ولا عمره انضم لاى تيار او حزب سياسى


لكن ده ما منعهومش من تعذيبه وقتله


بلطجة الداخليه واحده بإستخدام قانون الطوارىء مش بتفرق بين سياسى و مواطن
عادى


يا ترى هانسكت ؟


أسماء من قاموا بالإعتداء على خالد وقتله


المخبرين : عوض و محمود الفلاح


و ضابط المباحث : أحمد عثمان


من قسم سيدي جابر بالأسكندرية


كلنا خالد سعيد


لا لبلطجه الشرطه


تظاهر مايقرب من 3 آلاف شخصا من أبناء الإسكندرية والقوى السياسية
المختلفة من أعضاء حركه الجمعية الوطنية للتغيير وحركة الاشتراكيين الثوريين و6
أبريل وحركة كفاية وأهالى الشاب خالد محمد سعيد الشهير بـ "شهيد الطوارئ"
وأصدقائه عقب أداء صلاة الغائب عليه أمام مسجد سيدى جابر بميدان كيلوباترا
.


وردد المتظاهرون شعارات منها "يا خالد نام واتهنا واستنانا فى الجنة"
و "القصاص القصاص"، وندد المتظاهرون بسياسة الداخلية والممارسات التى
تنتهجها حيال الشعب المصرى مؤكدين أن الإسكندرية هى مدينة الحضارة منذ أقدم العصور
إلا أن أبناءها أصبحوا الآن يدهسون تحت أقدام رجال الشرطة.


ومن ناحيتها فرضت قوات الأمن كوردونا أمنيا حول المتظاهرين لمنعهم من
الخروج إلى ميدان كليوباترا بعدما رفعوا الأعلام المصرية، وطالبوا بسرعة تدخل
القوى السياسية، كما توافدت المراكز الحقوقية ووكالات الأنباء نحو مسجد سيدى جابر
للتضامن مع أسرة القتيل وللتنديد بممارسات رجال الشرطة.


وعلى صعيد متصل وجهت النيابة العامة بمنطقة سيدى جابر بمحافظة الإسكندرية
المصرية 7 اتهامات لعدد من النشطاء الذين كانوا قد تظاهروا الجمعة أمام قسم شرطة
سيدي جابر للمطالبة بمحاسبة المتسببين في مقتل الشاب خالد محمد سعيد الشهير بـ "شهيد
الطوارئ" .


والاتهامات التى وجهتها النيابة العامة هى تكدير الأمن العام، ازدراء نظام
الدولة، تعريض النقل البري والمواصلات للخطر، القيام بأعمال تهديد وتدابير غير
مشروعة ومحاولة اقتحام مبنى حكومي "قسم شرطة سيدي جابر"، الاشتراك في
التجمهر، القيام وآخرين في تجمهر مكون من 30 شخص، التعدي بالقصف على جهة من جهات
الدولة "وزارة الداخلية" وموظفين عموميين، التعدي بالسب على المقدم أحمد
عثمان والضابط إلهامي عبد المنعم والرائد أحمد عز والنقيب خالد عبدالفتاح وذلك
بترديد عبارات سب تجاه الحكومة.


ومن جانبه طالب محامي الدفاع بإخلاء سبيل جميع النشطاء وخاصة الطلبة منهم،
كما طلب الدفاع من النيابة عرض النشطاء على مصلحة الطب الشرعي لبيان ما بهم من
إصابات أحدثتها بهم أجهزة الأمن.


وعلى صعيد أخر انتشر مقطع فيديو على الإنترنت قال ناشره أنه كان السبب
وراء مقتل "شهيد الطوارئ"، ويظهر الفيديو ضابط شرطة ومعاونوه قال ناشر
الفيديو أنهم ضمن قوة قسم سيدي جابر وهم يقومون بتقسيم ضبطية أحراز 80 كيلو من
مخدر الحشيش وبعض النقود، وتحديد الكمية التي سيتم تسلميها للنيابة كحرز والكمية
الأخرى التي سيتقاسمونها فيما بينهم "بحسب ناشر الفيديو".


كما يظهر في الفيديو اقتطاع الضابط لأجزاء من الحشيش، ويسمع صوت أحد
الموجودين وهو يقول "لزوم المزاج"، وصوت أخر يقول "مبروك عليك يا
باشا" لضابط القسم والذي يعرض عليه أخذ قطعة من الحشيش فيرفضها، ويقول ناشر
الفيديو أن أحد المخبرين الموجودين بالمقطع هو الذي قتل الشاب ،إلا انه لم يظهر في
المقطع ما يدل على أن هذا الفيديو قد تم تصوير داخل قسم شرطة سيدي جابر أم لا مما
قد يثير رفض لربط هذا الفيديو بمقتل الشاب.


وكانت السيدة ليلى مرزوق والدة "شهيد الطوارئ" قد قالت إن
الأسباب الحقيقية وراء سَحل ابنها أنه كان ينوي فضحهم بعد حصوله على شريط فيديو
يوضح قيام الضابط والمخبرين بالاتجار في الحشيش.

ونقلت جريدة "الشروق" المصرية عن والدة
الشهيد قولها :"إن خالد حصل على فيديو يتضمن لقطات بالصوت والصورة لأحد ضباط
قسم سيدي جابر والمخبرين وهم يقومون بالاتجار في الحشيش"

قصه تحزن وبتبين فشل قانون الطوارئ
بس بتدعم الناس الى عاملين مظاهرات امام رصيف مجلس الشعب لالغاء المشروع الفاشل المسمى قانون الطوارئ
ودا يدل على سياسات حكومتنا وخاصه وزاره الداخليه
ومش لازم نسكت علشان نوصلهم ان سياستكم دى تنفع مع دوله غير مصر لان شعبها بطبعتوا شعب ثائر لا يتراجع عن حقه
حضرتك قولت يا ادمن
ونطالب بعمل لجنه حياديه من حقوق الانسان لمعرفه اسباب الوفاه الاصليه
انا عندى تعلقين
الاول اعتقد ان سبب الوفاه واضح جدا
ثانيا عندما تتشكل تلك اللجنه ونحقق وتعلن قرراتها الحاسمه يكون مش اقل منخمسه مواطنين بقوا خالد ولقوا مسيره

لم يعد يوجد حرية راي و كل من لة سلطة يتحكم بها بدون تفكير
و شكرا لك ادمن و جنا

Admin كتب:

حريه الرأي موجوده ولا يمكن ان نقلل من شأنها وقيمتها
الانسان انسان حر بطباعوا ...

اما عن اللجنه
عملتي ايه انتي يا gana انا عن نفسي بقول الي المفروض يتعمل
لما نلاقي واحد مات ومنعرفش السبب مينفعش اخد رأي الناس لانه اكيد هتتحيزلو ولا هينفع الطب الشرعي لانوا برضو هيكون متحيز للحكومه ...

لازم طرف حيادي هو الي يكشف ويتقصي الحقائق ,,,
نرجوا يكون الفكره وصلت ...
admin

اولا بحييك على وجهة نظرك المحترمه دى
بس ممكن اعرف المطلوب منى ايه ,هل المطلوب انى اطالب بتشكيل لجنه وانا متوقعه نتائجها حتى لو كانت غلط بس انا مش مقتنعه بيها
او اثبتلى ان لو فكره اللجنه دى اتنفزت فى وقت سريع جدا واتخذت قرارها المحايد
هبقى من اول من يناصر الفكره دى
وارجوا ان وجهة نظرى تكون وصلت صح