انواع الشباب على النت

اانا قرات الموضوع ده على احد المنتديات وحبيت انقله هنا واعرف رايكم فيه .

النوع الاول

الي يدوبك لسه متعلم يدخل نت
بيبقى العمر يتراوح من 22 الى ما فوق ... وتلاقيه اول ما يدخل
هاي
ممكن نتعرف انا فلان ومن الحته الفلانيه
وتحسي ان فيه حنفيه
معلومات اتفتحت
واي حاجة تقوليهاله يقولك يعني ايه
مش فاهم وبعد
كل كلمة يقولك
اصل انا لسه جديد في النت
والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب
حظه

النوع الثانى
الي بيقعد على النت بس مش كتير
النوع ده كل كلامه
انا مشغولياتي كتير ومبحبش النت والكلام ده
وبعد
ما يكلم شوية يقولك
ممكن نكمل كلام في التليفون انا اصلي مبدخلش
النت كتير
ومليش خلق للكتابة والحاجات دي
والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي
بلوك

النوع الثالث

الي قاعد على النت ليل نهار
ده بقى شرحه يطول وينقسم لعدة
انواع
1- المقموص
ده بقى قاعد وحاطط ايده على زرار الزعل
اي حاجة تقوليها تبقي
بتقصديه او بتقللي من شانه
وبعد كام مرة كلام ممكن يقولك اديني
نمرة تليفونك
ولما تعتذري هيقولك انا هحترم رغبتك وهيركبلك الوش الخشب
ومن وقت للتاني هتاخدي البلوك ف وشك فنصيحه من اولها كده
اديله بلوك وديليت


2- ابو دم خفيف
ده شلل مركز ومتعرفيش
مين الي خدعه وقاله ان دمه خفيف
وكل كلامه قفشات وضحك
والمفروض انك تكوني مجامله
وتضحكي بس منصحكيش تيجي
على
اعصابك


3- المودي
دي بقة شخصية بتتنوع كل يوم
على حسب المود
وهتحسي انك بتكلمي واحد
عنده انفصام ف الشخصية النهاردة
رزين وعاقل وبكرة لاسع وبعد
يومين رخم

وبعدها كيوت وفريندلي
طبعا الحكايه مش ناقصة جنان كفايه الي
الواحد فيه

4- اللزقه
والنوع ده عايز حزم ف التعامل معاه
لأن كل كلامه انتي فين ؟
بتتاخري في الرد ليه؟
انتي بتكلمي حد ؟؟
ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ...
ايه ده انتي لسه مجيتيش ؟؟؟

5- الناصح
صباح الصداع
مع كل جمله هتقوليها هتاخدي نصيحة وفيه عرض خاص
قولي
جملتين وخدي اربع نصايح
العرض مستمر حتى نفاد الكمية

انا انصحك انك تخليه يحصل
اخواته
الي فاتوا يعني بلوك وديليت

6- الحبيب
انا فيا جاذبية وكل البنات بتعجب بيا ....... ايام ما كنت فى الكليه
كنت عامل ازمه والبنات بتتخانق عليا......
المصيبة بقى ان اي
جمله
هتقوليها هيفهم ان انتي
معجبه اصله مش بمزاجك هتحبيه يعني
هتحبيه

7- حريقة بنات
ده بقى لو في منتدى او ميل جروب
تلاقيه مركز على كل البنات
ومبيعملش اي حاجة تانية غير كده
الكوميدي بقى لما يتلخبط ويعتقد
ان
الأسم ده انثوي
ويندمج وبعدين يطلع واحد
صاحبه

8- الكداب
من اول الأسم والسن
واي معلومة خدتيها كدب في كدب ومتعرفيش ليه
ده
بقى
انصحيه وخليه يغير اسمه على الماسنجر
ويخليه الكداب

9- العبيط
ده هتلاقيه على طول حاطط صورته
وذنب عليكي تتفرجي ويشيل الصورة
> > دي
يحط التانية وكل شوية يفتح الكاميرا مع نفسه

10- بابا اوبح
ده ممكن يكون على النت من سنة 96
واتخرج واشتغل واتجوز وجاب
عيال
ولسه قاعد يتعرف على بنات وكل ما يكلم واحدة يقنعها انه مش
متجوز
وبيدور على عروسة وصباح السرحان
ولو جربتي كل يوم تدخليله
بايميل
غير التاني هتسمعي قصة حياته
كل يوم مختلفة

النوع الاخير
وده احسن ينفع تكلميه على النت
هو المحترم اللى عارف حدوده ومبيتدخلش
فى اللى مالهوش فيه
وبيبقى دمه خفيف علشان ماتزهقيش منه
وبيحب يعمل اصدقاء كتير على النت
وتلاقيه جد ومابيحبش الكدب
بس بيحب يهزر بس بأدب
وتستريحيلو وانتى بتتكلمى معاه.

هههههههه
موضوع تحفة
و فعلا في ناس كدة كتير و اصحابنا و عارفنهم كويس كمان
شكرا جنا

شكرا جانا انتى شرحتى الشباب
ونسيتى البنات وليه هما كمان بيقعدو على النت
اما انا هدفى من النت اولا وبجد الاطلاع على ماهو جديد فى شتى المجالات وثانيا التعرف على اناس احيانا احكى لهم اوجاعى بس مش اى حد ويمكن تقولى هو ينفع تحكى همومك على النت اقول بالنسبة ليه اه
اولا لان اللى اكلمه لازم اكون عارفه من زمن وواثق من قدراته فى التفكير
وبعدين حا احكى ومش راح يقابلنى وش فى وش ويفضحنى
المهم النت موضة وعلم
فاختارى ماتشائى
تحياتى

انا شايف ان الانواع دي مش حقيقيه
وان الموضوع متكبر اوي

ده ميمنعش ان فيه ناس كويسه ومش خنيقه
انا من نظري ان الموضوع بدافع الضحك مش اكتر

شكرا لموضوعك ...

شكرا يا جنى علي الموضوع الرائع ده
هي يمكن الشخصيات دي موجوده بس في شخصيات اكتر منهم واحسن موجودين برده
يعني ذي مافي الوحش في الحلو والي احلي منه

Admin كتب:

انا شايف ان الانواع دي مش حقيقيه
وان الموضوع متكبر اوي

ده ميمنعش ان فيه ناس كويسه ومش خنيقه
انا من نظري ان الموضوع بدافع الضحك مش اكتر

شكرا لموضوعك ...

انا نشرتوا مش بدافع الضحك نهائيا .
وكلكم بتتكلموا على النوع الاخير الى هو
وده احسن ينفع تكلميه على النت
هو المحترم اللى عارف حدوده ومبيتدخلش
فى اللى مالهوش فيه
وبيبقى دمه خفيف علشان ماتزهقيش منه
وبيحب يعمل اصدقاء كتير على النت
وتلاقيه جد ومابيحبش الكدب
بس بيحب يهزر بس بأدب
وتستريحيلو وانتى بتتكلمى معاه.
وفعلا ده موجود كتير جدا وده الى بتستريحلوا استاذ طارق فى انك تحكيلوا مشكلك ومش هيفضحك
والكنج قال ان الانواع دى مش حقيقيه انا بعارضك لان الانواع دى حقيقيه جدا وموجوده ودور فى الى حواليك واصدقائك على النت والمنتدى هنا كمان بس الى ما تعرفهومش وحدد هما من اى نوع ممكن تلقيهم من النوع الاخير .
وشوف هتلاقى انك قابلت الانواع دى وهتلقيها موجوه
وباردوا باربى بتتكلم عن النوع الاخير كلكم بتتكلموا على النوع الاخير .
بس الغرض من الموضوع ده انك تعرف تحدد انت بتكلم مين ولازم تحط حدود معاه على حسب كل نوع
ولو فى اى اعتراض على كلامى مستنيه الردود
سلاااااااااااااااااااامى للحميع

جانا
اعلم ماقصدتى ان نتعرف كلنا على الانواع وناخذ الحذر منها
ويمكن لسه احنا ما شفناش على منتدانا الانواع كلها
المهم انتى دوما طرحك يفرحنى

شكرا جدا لك استاذ طارق
بس فى انواع مش هتلقيها هنا
وهتلقيها ى منتديات تانيه
واكيد هتلاقى كل الانواع على الشات

هههههههههههههه
على حسب فهمى يا اما محترميين (النوع الاخير )و اللى كلكم اتكلمتوا عليه (بص حوليك... هتلاقى النوع الاخير )و كل واحد شايف او بيظهر سلوكة قدوة
او
الباقى ناس بتاعة بنات
و الباقى
فى ناس مش بتدخل النت عشان الشات ولا ليها فى الفس بوك
بالاضافة ان فى ناس بتدخل للتصفح على النت
و فى اوجه تانى كتير ........
موضوع جميل