بجد انا فاض بيه ومليت

من فضلك أنا مخنوق، لذلك أبعد عنى جميع المؤثرات العصبية والنفسية والجرايد إياها وجلسات سيد قرارة، وتعالى أنا وسعتك نطلع على الكورنيش بس لو شفت النيل ترعة لا تقول إنى فقر ولا إن حضرتك ولا مؤخذة نحس بس ادعى للى سابوا المحبس فى إيد إسرائيل تلعب فيه على كيف كيفها بالصحة والستر وطولة العمر.. آه طولة العمر ولا عندك رأى تانى؟

وبعدين نركب الأتوبيس الأحمر أبو جنية حار ونار فى جتتى وبردا وسلاما على جيبوهم،

وأنا بفكر ألبس قميص النقابة، وأنت تلبس تى شرت النادى ونعمل خناقة وأنا أترافع عنك وحضرتك تحكملى ولو معجبناش نجيب حكم أجنبى ينشر لنا غسيلنا التييييييت، ويصفر بعد الدقيقة تسعين ويعلن فوز التى شرت والقميص وخسارة الشعب المسكين خمسة صفر.
وفى الختام، أحب أؤكد أننا مازلنا متمسكين بالعهد بأن نصدر الغاز لإسرائيل، وأن نمتنع عن تشجيع الجزائر ف وقبل نهاية دورة سيد قرارة أحب أن أسمع الست وهى بتشتدو: متصبرنيش بوعود وكلام معسول وعهود، وخصوص الحتة بتاعت أنا فاض بيا ومليت بس من على وش القفص وحياتك.

كلام بجد جميل احيك على مجهودك الرائع وكلامك الجميل
شاااااااااااااو

سارو شكرا ايتها الرائعة الجميللة تحياتى على تواجدك المستمر بين كلاماتى

الازمه او الازمات دي
هتتحل لو وقفنا علي ريجلنا من تاني
وحاولنا نطور البلد دي
ونقف جنبها

ونعيد هيكلتها من تاني
وبقينا بنهتم باصواتنا
وبقينا منخافش من النظام وحواشيه

اعتقد ان ده الحل ...
admin

وانا كمان اعتقد ان هو ده الحل

وشكرا ليك يا استاذ طارق علي الموضوع الرائع ده