امال وطموحات

هنتكلم عن أمال وطموحات الشباب فلو سألنا مجموعة من الشباب عن أمالهم وطموحاتهم في ظل الظروف الراهنة المليئة باليأس و الإحباط لاختلفت ردودهم وتنوعت ما بين:

1من يريد أن يكون شيئا في هذا الوطن

2من يريد أن يعيش والسلام

وده راجع لاختلاف البيئة اللي نشا فيها هؤلاء الشباب

فهناك من نشا في بيئة تشجع علي الطموح وتحقيق الأحلام .

ونجد رد هذا النوع من الشباب:

أنا نفسي اعمل حاجة للبلد واصل بهذا البلد واجعله من اقوي الدول سياسيا وعسكريا واقتصاديا وهذا من خلال أفكار يملكها ويحلم بتحقيقها ولو أتيحت له الفرصة لحققها ونقول لهذا النوع سوف تحقق ما تريد بالصبر و المصابرة والعمل الجاد مع التفكير العلمي لتحقيق هذة الأحلام علي ارض الواقع



وهناك من نشا في بيئة تشجع علي الإحباط والخضوع للظروف المحيطة.

ونجد هذا النوع يرد قائلا:

أنا نفسي أعيش جنب الحيط واخلص دراستي وأتجوز وأجيب عيلين أربيهم

ولازم نقول لهذ النوع من الشباب انك مش هتعيش جنب الحيط أنت هتعيش تحت الحيط وهتلاقي مليون واحد يدوس عليك لأنك محاولتش تبقي حاجة في البلد دي .

وطالما كان حلمك تعيش في كوخ فلازم تبقي عارف انك هتبذل مجهود علي قد هذا الكوخ لكن مع الصعوبات والعقبات والاعداء لن تحقق هذا الكوخ

وفيه نوع ثالث باع القضية قالك:

انا عايز اسافر واسيبها لهم مخضرة مش عايز اعيش في البلد دي انا عايز اسافر اشتغل أي حاجة في اوروبا

نقول للنوع ده انك مش هتشتغل بمؤهلك انت هتشتغل بائع جرائد او تغسل الاطباق او أي وظيفة تانية بس عمرها ما هتكون مناسبة ليك ابد وهتتبهدل برة ويطلع عينيك وفي الاخر هتترحل ومش هتبقي طلت لا بلح الشام ولا عنب اليمن يعني من الاخر خليك في بلدك واشتغل أي حاجة هنا في بلدك عشان لو وقعت تلاقي اللي يقومك مش يدوس عليك .

وفي الاخر فيه مبدأ لازم نبقي عارفينه كلنا ان لو كان حلمك تبقي كذا }ملياردير مثلا{ فتبذل مجهود علي قد كذا ومع الصعوبات والاعداء والعقبات والروتين هتبقي علي الاقل ثلاثة ارباع كذا او 90%من كذا هذا اذا لم تحقق كذا

اما لو كان حلمك تعيش في كوخ او جنب الحيط يبقي مجهودك علي قد الكوخ يعني لو واجهتك عقبة او صعاب مش هتلاقي الكوخ وهتدوس عليك الرجلين.

لازم تخلي حلمك كبير وتحاول تحقق الحلم ده عشان تحقق علي الاقل 75%من هذا الحلم

اما عن طموحي فانا نفسي اتخرج الاول من كلية الهندسة بتقدير جيد جدا بعدها مش هلاقي شغل طبعا فهبدا مشروعاتي الخاصة وهي بناء ابراج سكنية ده في البداية وغالبا المرحلة دي هتاخد مني اول خمس سنين بعدها بناء مصانع طوب واسمنت وبلاط وبدل ما اشتري اسمنت وطوب وبلاط من مصانع تانية اعمله انا والمرحلة دي لحد ما اكون راس مال كويس يعني تقريبا كمان 12 سنة يعني عمري بقي 40 سنة تقريبا وراس المال ده هيمكني من تحقيق حلمي الكبير والخاص ببناء مشروع الالف مصنع وهبدا في الاول ببناء مصانع لانتاج اجزاء الالات المشغلة للمصانع الاخري يعني مصانع لصناعة التروس وغيرها من هذة المكونات اللازمة لتشغيل المصانع الاخري لحد ما ابني ما يقرب من الف مصنع لتصنيع كافة الاشياء من اصغر شئ تكنولوجيا النانو والالياف الضوئية واجهزة الكمبيوتر حتي الاجزاء المكونة للاقمار الصناعية والمفاعلات النووية والصواريخ والاسلحة . وهقوم بتقسيم المصانع الي مجمعات فهناك مجمع مصانع لانتاج المواد الغذائية ومجمع اخر لانتاج المواد البلاستيكية واخر للادوات المنزلية وكمان لمواد البناء واخر للالكترونيات واخر للاسلحة وواحد للغزل والنسيج وواحد لصناعة الاثاث واخر لتدوير المخلفات الناتجة عن هذة المصانع وواحد للماكينات .

والمشروع ده هيبقي فيه مدينة تجارية علمية ومطار للركاب وقرية للبضائع وهذة المنتجات من الممكن ان تباع الي افراد او مؤسسات او دول يعني ممكن نبيع من قطعة واحدة حتي 100 الف قطعة وطبعا المشروع ده هيوفر فوق المائة الف فرصة عمل كفرص دائمة بالاضافة الي الفرص الموسمية وهي المستغلة في بناء تلك المصانع أي فرص ما قبل التشغيل وياريت الاقي اللي يشاركني حلمي وساعتها اكيد هبقي فرحان اوي

وده مكان المشروع الصحراء الغربية بالقرب من منطقة العلمين .

موضوع رائع و كلام ممتاز
و لكن الانسان بجانب منطقة الذي يعيش على اساسة و الاسرة التي وفرت لة الثقافة السليمة و حب بلدة من حقة ان يجد حكومة تشجع احلامة في خدمة البلد ولا يكون بانتظارة شبح البطالة التي قضت علية نفسيا و صحيا و كم من شباب يبداون من نفسهم و يحاولون تحقيق حلمهم؟؟
العزيمة تقتلها الصبر في بعض الاحيان
و شكرا لك

انا معاك لازم يبقي فيه حكومة توفر له علي الاقل الطريق السهل لتحقيق حلمه دون وضع العقبات في طريقه علي الاقل نشيل الروتين ده

اولا انا بحييك على الموضوع الرائع والممتاز ده
ثانيا
هناك من نشا في بيئة تشجع علي الطموح وتحقيق الأحلام .
ونجد رد هذا النوع من الشباب:
أنا نفسي اعمل حاجة للبلد واصل بهذا البلد واجعله من اقوي الدول سياسيا وعسكريا واقتصاديا وهذا من خلال أفكار يملكها ويحلم بتحقيقها ولو أتيحت له الفرصة لحققها ونقول لهذا النوع سوف تحقق ما تريد بالصبر و المصابرة والعمل الجاد مع التفكير العلمي لتحقيق هذة الأحلام علي ارض الواقع

كلام جميل بس زى ما قالت مونتانا ان لازم الحكومه تساعد فى تشجيع الشباب الى بيحلم ويخطط لمستقبله ومستقبل بلاده .
وعلى الشباب مش الحلم بس هو الحلم صح اول طريق للنجاح بس لازم يتنفز عملى كمان علشان
ما يتصابوا بالاحباط لحلمهم فقط وعدم التنفيذ لازم يبدأوا على الاقل البديات الصغير .
يعنى ياخدوا السلم من الاول واهم حاجه الصبر .
مش تصبر وما تعنلشى حاجه لا اصبر وتحمل العقبات وحولها دافع لتحقيق حلمك
بس
العزيمة تقتلها الصبر في بعض الاحيان
الصبر يولد قوه والقوه نتائجها العزيمه .
شكرا لموضوعك
ارجوا تقبل مرورى
سلااااااااااااااااااااام

لازم تخلي حلمك كبير وتحاول تحقق الحلم ده عشان تحقق علي الاقل 75%من هذا الحلم
وياريت اعرف حلم كل واحد فيكم ونفسه يبقي من أي نوع
انا حلمى بيت وعدم خوف والاحساس بالامان
وبس

حلمي ان اعيش زي ما انا حابب اني اعيش
حلمي اوصل لربنا باخلاق واحترام للاخر
حلمي اقول صوتي ويتنفذ ويتسمع ويتقالوا ياس
حلمي اشوف نفسي في البلد دي

وهححقوا ان شاء الله