الشباب علي فين يا حكومة

بعد قانون المعاشات والتامينات الجديد هيصبح سن المعاش 65 سنة ازغرط والشباب مع السلامة صرح السيد جمال مبارك امين السياسات بالحزب الوطني انه سيتم مد سن المعاش الي 65 سنة بعد تطبيق قانون المعاشات والتامينات الجديد
يعني الشغل مالي البلد درجة ان الشباب كله شغال ولسه فيه اماكن فاضية فقالوا نمد سن المعاش
طب والله حلو اوي
معني مد سن المعاش ان الناس الي كانوا بيخرجوا كل سنة علي المعاش مش هيخرجوا يعني مفيش شباب هيتعين خلاص لان اصلا مفيش فرص جديدة واللي عايز يشتغل يشوف شغل خاص او يعمل مشروع لكن مفيش فلوس يعني قعد علي القهوة من دلوقتي اهو تبقي خدت فكرة
وفي الاخر لا مكان للشباب في مجتمع يقتل الشباب تقودها حكومة ليست من الشباب يا شباب

هههههههههههههه
والله فكره الشباب يقعدوا على القهاوى والبنات تأجر عجل
هم مش عايزين يسيبوا الانسان الا لما يتاكدوا انوا مات او على الاقل يجردوا من اى حاجه صحه مال زاكره كله كله .
حتى لو الشباب حب يعمل مشروع او يشتغل فى قطاع خاص طب فيت راس المال هى بايظه من كل ناحيه
هيخربوها ويعدوا على تلها زى ما بيقولو
شكرا لموضوعك كتيييييييييير
ارجوا تقبل مرورى
سلااااااااااااااااااااااام

شكرا لمرورك العطر ووالله انا فكرت اهج واسيبها بس قولت ومين ليها غيرنا احنا اللي هنغير البلد وادعوك لمشاهدة موضوعي امال وطموحات بقسم التنمية البشرية

الدنيا يا مايسترو ضاقت بينا ومش قادرين علي حاجه ومش عايزنا نحبط
يا عم الله يرحم اجدادنا واهلينا الي كانوا فرحانين بعشتهم
الحل اننا نشوف حالنا في اي مكان
ارض الله واسعه

مش ينفع اي مكان لازم نشوف نفسنا في البلد دي لان هنا هنكون احنا مش ناس تانية لازم نحقق اللي بنحلم بيه في مصر لان محديش هيتقدم بيها الا احنا
ولا انتوا شايفين ايه