ليست عذراء ..هل تتزوجها؟؟؟؟

موضوع بالفعل شغلني كتير في الفتره الاخيره
موضوع كنت عايز اعرضه من زمان لكن اختلفت علي عرضه
بالفعل ممكن يثير ضجه وكبيره
لكن احنا عايزين نكون نافذه مطله علي المجتمع
انتشر الموضوع ده الايام الحاليه كتير
هل انت ممكن تتزوج فتاه اخطأت خطا غير مقصود
هل زنب ليها ان شاب فاسد لعب في راسها وفعل الفاحشه وبعد فقدان العزريه
هل لو تابت لله وحاولت ان تاخذ الصفح والعفو من الله وعادت مره اخري من سكرتها هل تقبل ان تتزوجها ؟؟

يمكن احنا في مجتمع شرقي وكمان صعب علينا الموضوع ده
لكن بعد اما انا وانت كنا بنقول الحريه وان الحريه مش موجوده
ها ولما اخدتها وبعد كده لعبت بدماغ واحده لا بيها ولا عليها لمجرد انها مثلا حبتك
هل تقبل انت او غيرك الزواج منها والعوده
فمن فينا لم يخطأ
فالكمال لله وحده
عموما الموضوع اهه ودي الافكار الي انا طرحتها للموضوع
ارجوا منكم المشاركه
لان الموضوع ده فعلا بيمثل مشكله كبيره جدا في المجتمع وفعلا لازم تتحل

admin

توبك حلو كتير
بس انا مش هقبل بالزواج بيها
غلطت ومضمنهاش للمستقبل
جمال

شكرا كتير علي الموضوع المثير والغريب

بس انا شايفه ان اي انسان ممكن يغلط واحنا مش ملائكه

احنا بشر فليه نحكم علي الانسان من اخطائه
ليه فعلا اننا ممكن نكون سبب في دمار حياته ومستقبله؟؟

المشكله مش مشكله زواج لا طبعا في الاول هي مشكله حكم علي الناس
احنا في مجتمع شرقي والحذر الشديد مطلوب

والتغيير مبيجيش فجاه
ونصيحتي اننا لازم نفكر قبل ما نحكم علي الناس وكده
شكرا للموضوع الجميل

موضوع حلو كمان بدو تفكير شكراً

اسف ادمن علي الغيبه الطويله

لكن الاكيد الي شغلني هو الشديد القوي

انت عامل ايه

موضوعك جميل جدا

واكيد زي ما قال محمد انو محتاج تفكير كتير

انا واقف مع راي دريمر علي ان اي انسان متعرض انه يغلط
فليه نحكم علي الناس من واقع اخطائهم

انا وافقت لكده
بس اتمني ما يحصل

شكرا يا جمال علي ردك

انا عرضت القضيه دي

لان فينا من يستغل سذاجه الاخرين ومشاعرهم عشان يلعب بيهم

فينا الي بيعمل المصائب والكوارث ولا يلام او يعاقب

او نظرتنا احنا نحن المجتمع الشرقي للمخطي او من اجرم اي جرم

بالتاكيد القضيه مش صغيره

لكن ليه انت تكون صاحب حكم وقلب قاسي لدرجه ان انت ممكن تكون سبب لموتها او انتحارها او كرهه للحياه

لازم يكون عندك نظره تطلعيه للمستقبل

لازم يكون عندك امل

مش ده الكلام الي بيتقلك لما تعمل اي مشكله او اما تجيب درجه مش حلوه في الثانوي؟
او في اي موضوع؟

طب ليه تكون صاحب حكم قاسي ممكن يدمر الي قدامك وترجعه لجريمه مش بسذاجته بل لان الواقع هو الي فرض عليه كده

يمكن الغلطان بيتحمل تمن ومسؤليه غلطه

لكن فين التسامح الديني والاخلاقي الي انت اتعلمته من دينك

عموما شكرا ليك

وادعوك يا جمال لاعاده النظر في الموضوع مره اخري

admin

ميت الف شكر لدريمر

وده الي انا قصدته

ان الحكم علي الناس دي مربط الفرس

وان الناس بيحكموا حكم نهائي ولا يغيروه

وده شئ غلط

لازم نملك المرونه والحيويه واعاده النظر مره اخري
وبالتاكيد عدم الجمود

شكرا ليكي تاني

admin

لا ولا يهمك يا محسن

انا متفهمك

يارب يوفقك في دراستك ويارب توصل للقمه المنشوده

شكرا ليك وشكرا لاحلي محمد لرده

وبالتاكيد الموضوع محتاج تفكير وشديد

شكرا ليكوا شباب

admin

أتزوجها أو لا أتزوجها ؟؟؟ الإجابه تتوقف على نوع الغلط , ف إذا كانت غلطتت مع أحد غيرى ف أكيد لم ولن أتزوجها ولكن إذا كنت أنا سبب هذه المشكله وأصبحت غير عذراء على يدى وكنت متأكد من أخلاقها وأن ذلك حصل فى لحظه ضعف وكانت غير راضيه على ما حدث ف أكيد الإجابه سوف أتزوجها , وهذا رأييى الخاص وكل فرد حر فى رأييووه

اهلا بالفنان مصطفي في موضوع من اخطر موضوعات المنتدي

اكيد ده رايك الي انا احترمه كتير

واحنا الصوت الحر كل واحد يقول رايه بحريه من غير خوف واكيد ان الاختلاف في الراي لا يفسد للود قضيه

شكرا لوجودك معانا الي نورنا ونسعد باعضاء شات محطه مصر
اكتر الاعضاء الي انا بحبهم

الي انا عشت معاهم احسن لحظات حياتي

ADMIN

شكراا جزيلآ لك أخى & Admin &
وأتمنى ان نصبح أصدقاء
وأنا إتشرفت طبعآآ بوجودى معاكم
وشكراا على الموضوع الجامد ده

مع تحياتى & Elmagico &

انا يزيدنا الشرف بوجودك معانا يا مصطفي

دائما وافي للعهود وده الي انا احترمه فيك

شكرا لتواجدك معانا

admin

مش عارف ادمن
اعذرني

بس الي انا ممكن اقوله دلوقتي ميكنش الي حيحصل
وكمان المحترم محترم علي طول
مش معني كده الغلطان طول عمره هيفضل كده

بس المجتمع هو الي علمنا التفكير ده
حلوه حكايه ثقافه الاخطاء
شكرا

زائر

نشكر اشرف علي مجهودك الرائع في المنتدي
دعوتك ليا وللموضوع ده زودت اعجابي بيك جدا
موضوع فيه نضج وبينشر قضيه مهمه جدا
لما لا
لو انا الي غلط او غيري فاحنا بشر والكل بيغلط
ولازم ان احنا نصلح غلطنا بس لو اصرت علي الغلط ده ورفضت التغيير
يبقي مفيش فيها كلام

احمد ... من الشرقيه

طبعا مناقشات جامده جدا

لكن الموضوع جميل ويستاههل

dreamer

ميتهياليش اني ممكن اتجوزها هي برضه غلطت وغلطه مش سهله ولا قليله

موضوع حلو

شاووووووووووووووووو

آدمن
حبيب قلبي
توبيك متميز تسلم ايدك
بس انا عايز اقول حاجه
بمعني انها غلطت مع شاب ده يدل علي انها غير خلوقه بأخلاق النبي عليه الصلاة والسلام
اعزرني يا أشرف بجد الموضوع كبير اوي
بس رأي أكيد طبعا مش هتزوجها
توبيك متميز
تسلم ايدك يا أشرف
تحياتي

لا طبعا مش موافق

لا طبعا مش موافق

مع انى متزوج ولى ملاك
الا اننى اتعاطف مع كل من اخطا وتاب

وعلى استعداد تم للزواج منها من منا لم يخطئى فى حياته
موضوع متميز

موضوع مهم و بيعالج مشكلة منتشرة في المجتمع حاليا
بس لو الموضوع العكس انا لا ارضى لا البنت تبقى بالنسبالها فضيحة انما الولد بيبقى عادي بالنسباله

اه حقيقي يا هانا مونتانا
انا متفق مع رأيك

الموضوع صعب جدا وأتخاذ قرار في غاية الخطورة ويحتاج شجاعة ويحتاج تفكير جدي لابعد الحدود .
لان هذه حياة وعشرة عمر والواحد لما يتزوج يختار شريكة حياة دائمة

يمكن أذا تعرضت للاغتصاب وهي صغيرة رغما عنها أو جهلا منها .الموضوع بيتغير شوي من وجهة نظري .مع العلم أني بتأكد أن ما لها أي ذنب في الموضوع لاكن نفسي ما تتطاوعني أني أتقبل الامر ولو كنت أحبها موت .
لاني بصراحة ما راح أتحمل الوضع بالمرة ومن جهة ثانية أني ما دام أحبها يعني مااريدأعيش ها في تعاسة بسب هي ما لها ذنب

"لاكن هناك بصيص أمل في تقبلي للامر وذلك تحت شروط
أولا أني متاكد من أخلاقها ودينها وأهلها ومتاكد من نفسي أن هذا الموضوع ينطوي ولا مجال لوضعه على دائرة النقاش مرة أخرى "
بس ممكن أخذ منها قسم على كتاب الله في أن تكون مخلصة لي بكل معاني الاخلاص