ملك الأموره بنتى الحلوه

مستسلم ل بحر دموعى وهايم
شارد مكسور الخاطر سرحان
ملك الأموره بنتى الحلوه
ضحكت
ههههههههههه خلـِّت قلبى اتكهرب
خلتنى أنسى هموم الحزن
خلت قلبى
يطير زى الطير الفرحان
نيهت فيـَّا الأمل النايم
الدبلان
بسمه بريئه فيها كلام
تغنى على وتر الحب الصادق
وتنادى وتقوللى يابابا
ليه مكشر شيفاك زعلان؟
عوزاك تضحك
بحب فينا الفرحه تعيش
لازم ترمى كل الأحزان
بنتى الأموره ملك
وهى زى ملاك
جواها الدنيا بلونها الوردى
هى مش عارفه إنى ابوها
مهموم بالأسعار الغاليه
ودنياما فيها أمان
مهموم ع البيت والأسره
خايف من بكرا
خايف واحد منكم
يتعرى يجوع
أو فى طابور العيش يتهان
زحمه وكإنها غابه
وضميرنا بيصرخ فين الإنسان؟
بنتى الأموره ندهت
وبنفس الضحكة وبكل حنان
بتقوللى يا بابا فينك سرحان؟
ربك موجود ودايم
وزمانا هيبقى أحلى زمان
رحت بسرعه ضحكت وقايم
مستغرب
طفله بريئه
بتصحى جوانا الإيمان

روعه يا طارق كلامك جميل
ربنا يخليهالك

شكرا شكرا
وربنا يكرمك
تواجدك نتمناه

شكرا شكرا
وربنا يكرمك
تواجدك نتمناه طفله بريئه
بتصحى جوانا الإيمان

ايه الابداع دة يا أبو ملك عشرة على عشرة وسلملى على ملوكة السكر

الله يخليكى كلنا بنسلم عليكى
تحاياتنا الخاصه

تحفه جميله مش فى كلام يعبر عن مدى روعتها وجملها
شاعر عظيم جدا يا استاذ طارق
ربنا يخليلك ملك الامورة احلى ملاك

يا الله عليك يا طاااااااااااااارق
جامده اوي يا حبيبي

واجمد حاجه الجزء ده

بنتى الأموره ندهت
وبنفس الضحكة وبكل حنان
بتقوللى يا بابا فينك سرحان؟
ربك موجود ودايم
وزمانا هيبقى أحلى زمان
رحت بسرعه ضحكت وقايم
مستغرب
طفله بريئه
بتصحى جوانا الإيمان

ربنا يخليهالك يا طارق
ويارب تكبر في عزك

بسم لله عليك ياطارق

كلمك جميل ولله ربنا يحميك يا تيتو

شكرا للجميع واخيرا ظهرن جوجو ايه النور ده منورة جوة قلوبنا بجد وربنا يكرمك يارب اخبارك ايه
منووووووووووورة جوجو بجد

شكرت تواجددك نور الهدى منورة وشكرا وشكرا اشرف باشا وشكرا محمد النورس منور بجد يارب يديكو عسوية مثل ملك

ربنا يخليلك القمر دي ويرزقك من كل الخير خير يا طارق
كلماتك حلوه اوي

الله يكرمك يارب ويخليكى انتى وتكونى احلى مهندسة او دكتورة يتلاب شكرا جيهان تواجدك الحلو والرقيق اسعدنى بجد

ربنا يخليك يا طارق شكرا