أنا شخصيا مش خايف. ده أنا مرعوب ومفزوع وأيضاً لا أنام.

السلام عليكم ورحمة الله وبركاته

موضوع جميل اوي يا طارق
في الاول كل سنه وانت طيب يا صاحبي
وربنا يديم عليك العيد بالخير والسعادة دايما ونشوفك دايما احسن واحسن من بعد كده

احب اتكلم في الموضوع وادي مداخلتي الصغيره
..

يمكن انا معشتش في حياتي قد ما انت عشت
وانا والله بعتبرك اخ كبير ليا اكثر خبره طبعا مني بمراحل

بس من تجاربي البسيطه الي يمكن انها متذكرش
ان موضوع الخوف من المرأه ده جاي من الحذر الشديد ناحيتها
اول انطباع هي الي بتاخدوا المرأه عن زوجها او خطيبها يوم ما بتشوفوا اول مره او يوم ما بيعدي عتبة بيد والدها وتفضل فكراه زي الشمس , المرأه بطبعها بنسبه 60% كائن معبر واتصور بنسبه 30% ودود و10% تحليلي قيادي ودي الكارثه .

فأفترض معاي مثلا ان الحياه بين الراجل والمرأه كانت بين واحده بالشكل ده وراجل عادي عندوا الاربعة متساويين
اقصد انوا القيادي التحليلي 50% والمعبر والودود متفاوته لكن موجوده بنسبه 50% كنت هتلاقي فرق شاسع بين الاتنين ( المرأه هتاخد الاشياء بمنظورها الاقوي منظورها العاطفي وهتترك منظورها العقلي هتفتكر وتتكلم عن حاجات ممكن تكون وهم بالنسبه للراجل او مش وهم هتكون بأهمية قليله جدا بالنسبه لراجل ومن هنا جت المشكله , مرأه تعتقد صوابها من انها بتتكلم عن طريق مشاعرها الجميله الي انا مش هلومها عليها وراجل اتصور فيه العقل بنسبه 50% علي الاقل كحد ادني هو يفهم انها مرأه تافها وهي تفهم انو مش بيحس وبدأنا امبر مشكله في التاريخ ومن هنا يمكن الحل مش سهل يا طارق بس موجوووووود .

ممكن مثلا احاول احط نفسي مكانها اعيش حياتها افهم عاوزه ايه اخصص جزء كويس من وقت عشان اسمع ليها وافهمها وافهمها ان انا مش كده لازم ناخد الامور بمنظور اعمق واقوي .

زي ما المرأه عيبها في الشخصيه بتاعة المعبر الودود هو الاحساس يبقي انا اقدر برضو اجيبها بالاحساس وانا راجع وعارف هي زعلانه اجيب في ايدي بوكيه ورد او اجبلها قلم حبر فاخر تعينوا ذكري او اجي عليها اقولها تعالي معاي مثلا نروح نتصور صورة للذكري والبسي احسن حاجه عندك اي حاجه حلوه تخليها تموت عليك وتخاف علي زعلك انا اقصد بكلامي اني احط ليها جنب كويس في حياتي واخليها تشاركني بدل ما الشغل كلوا علي واحد اهو اتقسم ونعيش حياتنا بنحب في بعض علي طول .

حاولت بكلامي اجيب حلول في تصوري ممكن تجيب نتيجه قويه اوي لان الشخصيه زي ما فيها سلبيات في كتييييير ايجابيات بس اهتمامنا هو الي بيمحور وجهة نظرنا .

تقبل مروري
واسف ع الاطاله