امايا ) - قصيدة صعيدية تأليف د/ نورهان أحمد

أمايا )
يا صورة عايشة جوايا
بيتها أحضاني
وأثاثها وجداني

أمايا
يا كلمة ينطقها قلبي
قبل لساني....
ياعيونها::
برموشها شايلاني
حبيت انا أكتب عنك في حكاية
فلقيت عتاب جوايا
لو كتبت كل مكاتيبي
راح ضل مقصر في الحكاية
ومن وين راح تكون البداية؟!
من أول ماشالتني جواها
تسع شهور بالألم شقيانة
وفي وصولي تعبانة
ونسيت
وبالحب استنتني وماهي شكيانة

وفي حضنها من بعد صرختي
كان اول بكايا
ويوم بيوم كانت ويايا
سهر وخوف ورعاية
تدلل....وشعري تمشط
وتقولي انتي يازينة البنات
ياحتة من قلبي يا دم شربات
صلي في اليوم خمس صلوات
والمسكين حني عليه بالصدقات
واياكي الكذب,,في عيونك بيبان
ومحمد لازم يكون لك أحب انسان
تفدي اسلامك بروحك ودمك
وأبوكي و أمك........
ويوم عن يوم...
قالت لي كبرتي ياأحلى صبية
في حجابك دلالك
يا صديقتي وأحلى بنية...
قولتلها يا أمايا
لمين غيرك يكون سري
ولمين غيرك اشتكي همي؟!!
يا صورة عايشة جوايا
بيتها أحضاني
وأثاثها وجداني
ياعيون برموشها شايلاني.....
يا ايدها : بلمستها سحراااني
بحبك وحنانك يا أمايا
زرعتي قلبي
أرق قلوب الصبايا...
بقلمي...............
/احبك يا أمي