ياستى ابوس ايديكى سيبينى ازاكر

الله أكبر الله أكبر..أذان الظهر..

-يارب.. يارب بحق ده الآدان تنجح يا نون يابن ابنى وأشوفك دكتور أد الدنيا

-ياستى بس أنا فى تجارة

-وماله يابنى هو يكتر على ربنا...... ده ربنا قادر على كل شئ

-ياستى ونعم بالله بس اللى بيطلع دكتور لازم يكون فى كلية الطب مش التجارة

-ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا

-ياستى التجارة اللى فى الوكالة حاجة واللى فى الكلية حاجة تانية

ع العموم شد حيلك أنته وانا أخلى جدك -ياخدك معاه الوكاله عشان تتدردح وتتودك فى السوق
-جدى إيه اللى هايخدنى معاه .....ده جدى مات من زمان ياستى

-يامصيبتى عبد الواحد مات..ياحبيبى ياأخويا..مكنش يومك ياسبعى
-ياستى ده ميت من تلتين سنة

-تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..ألا عمرة مادخل عليه ببطيخة ولاكيس جوافة
ياستى حرااام عليكى عايز أذاكر بقى

-يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون
-ياستى دبلون إيه..أسمه البكالوريوس

-أنته هتضحك عليه ياوله..أسمه الدبلون الواد ابن جارتنا جدع زيك كده فى مدرسة التجارة وخد الدبلون
-خلاص دبلوم دبلوم ياستى ..سيبينى بقى عشان أذاكر
-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب وأخلاق..وعلام كمان
ياستى عبير دى معاها أعدادية

-وماله يابنى ...الراجل مايعبهوش إلا جيبة
-راجل ...راجل مين ياستى...عبير دى بنت

-عبير ...عبير مين ياوله.انت بتعرف بنات من ورانا

-لا إله إلا الله....أبوس رجلك ياستى أرحمينى بقة

-طب ذاكر....ذاكر جتك نيلة وانت طالع براوى كده زى أمك....قطعت وقطعت سيرتها...أنامش عارفة أبوك كان أجوزها على إية..حكم...قال لبس البوصة تبقى عروسة..بس واللى نبى النبى نبى لكون مبوظة الخطوبة دى ومجوزاه أنيسة بت أختى
-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات
-صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان

-حرااااااااااااااااااااااا ااااااااااام ............ستى ماتطلعى البلكونة شويه ...ده الهوا حلو بره
-لأياخويا....فى جدع كده حليوة وشعره مسبسب فى البلكونه اللى فى الوش بيقعد يعاكسنى

-خلاص روحى المطبخ ...أهو زمان أمى خلصت الرز
-رز...رزإيه يابنى....هوأنا ليه سنان للرز...أناهطلع البلكونه أحسن
-طب أبقى خلى بالك م الهوى ياستى
هوى لما يلطشك

الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها
ياترى أنا كان إسمى إيه؟؟
ياترى كان إسمى إيه؟؟

(ياعينى نسيته اسمه)
ههههههههههههههههههههههههه هههههههههههههههه

ههههههههههههه شكرا باشا منورة

ههههههههههههههه
ماشى يا استاذ طارق
منور

هههههههههههههههههههه جاااااااااااااااامده اوي اوي

ههههههههههههههه حلوه اوي يا نوررر

ههههههههههههههه
تسلمى على المرور الجميل ده

بتفكريني بتيته امبارح
كنت سايب البيت شويه ومخنوق فروحت اقعد معاهم
المهم نايم ع السرير
وبفكر ازاي احل المشكله الي ف بالي

سألتني وبتقولي
اشرف مالك
قولتلها لا مفيش حاجه
قالت لأ في حاجه حد مزعلك
قولت ليها لا مفيش حاجه بس دماغي وجعاني شويه
قالت لا شكل حد مزعلك
قولتلها مفيش حاجه مش حصل حاجه
طب يا أشرف حد في البيت زعلك ولا قالك كلمة زعلتك
والله ما حد ما البيت انا تعبان شويه من الشغل ومشاكل
يعني صاحب الشغل زعلك
يا حاجه مش كده انا تعبان شويه بس وفي شويه مشاكل معاي
قالت اصلك مش تمام في حاجه يا أشرف ما تقول بقي
قولت مفيش حاجه يا ستي مش تتعبي نفسك معاي
انا تعبان شويه وخرجت
قالت لا في حاجه مزعلاك ما انا متأكده من كلامي
قولتلها ها طب امشي انا بقي
انا مش عاوز اتكلم ف حاجه
يا أشرف خد , طب مش هتكلم , يابني تعالي
انسووووووووني

وادي حال مصر معانا