اضحك مع اثنين سمعهم ثقيل!!

تخيلوا لو اتنين سمعهم
ثقيل اتكلموا مع بعض!! . ايه اللي ممكن يحصل ؟ تعالوا نشوف اتنين من دول،
واقفين على محطة الاتوبيس ودار بينهم الحوار التالي

الأول : الاتوبيس ده بيروح مــصر الجديدة؟

الثاني : على الحديدة !!... ليه انت طالب احسان

الأول : بذرة الكتان !! لا ..دي تلاقيها عند العطار

الثاني : جزار!! اه ..قوللي كده .. عايز تشتري لحمة

الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين !! لا والله .. ماعرفوهش

الأول : ما بتشربوش!! ليه ..كفا الله الشر

الثاني : رأس البر !!! ..ده مــصيف هادي

الأول .: عايز تركب للمعادي... دي منطقة جميلة

الثاني : بليلة !! انت شكلك كده جعان

الأول : عيان!!! أي والله .انت باين عليك عيان ..طيب ما تروح للدكتور

الثاني: الحنطور!! ده احسن من الأتوبيس ، وبيوصلني
لحد الباب

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟

الثاني : قراع !!! ينهار اسود . ده مرض خطير

الأول : لا والله مش عايز. وبعدين مش بأحب الفطير. تقيل على المعدة وتمنه
غالي

الثاني: خالي.. انت تعرف خالي ؟ ده راجل كبير في السن

الأول : الجن .. نهارك مش فايت ..انت عليك عفريت .!؟

الثاني : لا والله ..ممعاييش.. انت عايز الكبريت ليه . عايز تولع؟

الأول : أدلع ! أدلع عليك انت!؟ انت ما تملاش عنيا

الثاني :يقبضوا عليا !! ليه !؟

الأول : انت غريب يا راجل انت..شكلك شحات ، (يدفعه من القميص)
روح اشتغل شغلة تاكل منها عيش

الثاني : خيش!! والله ده صوف انجليزي

الأول: بنتك زيزي!!! ربنا يخلي...

الثاني : أنتاج محلي .!!!! ده مستورد

يمر شاويش من بتوعنا ... يلفت انتباه
الحوار، : بتعمل ايه يا جدع منك له!!!

الاتنين: ايوة يا شاويش ...احنا مستنين الأتوبيس

الشاويش :! نهاركم مش فايت .... جواسيس !!! قدامي على القسم

ههههههههههه
جامدة يا سما
شكرا لك

ههههههههههههههههه
مرسي لمرورك يا هنا
شااااااااااو

ههههههههههههههههههههههه
جااااااااااامده
شكرا سارة

مرسي لمرورك يا جنا الى اسعدنى
شاااااااااااااااو

ههههههههههههههههههههههههههههه
لا عندهم معلومات عامه جامده
مش اي حد يعرف الحاجات دي
ههههههههههههههههه
تسلمي يا قمرايه ع المجهود
.................
شكرااااا ليكي ساره

مرسي ليك يا دريمز
ومرسي لمرورك الجميل
شااااااااااااااو

ههههههههههههههههه
بجد موضوع في غايه الروعه
شكرا ليكي

مرسي لمرورك الجميل يا باربي
شاااااااااااااو

» الاسلام قادم اسلام اثنين من الألمان على يد الشيخ أبي اسحاق الحويني
» انا عايز اضحك
» اضحك كركر
» اضحك وانت ساكت
» ههههههههههههههه اضحك على كيفك