صباحكم فل وورد وياسمين وكل النسائم الحلوة .... وله يا سفروت ــ رش قصاد القهوة ...
لامؤخذة يا بهوات ،، هنا هاتكون استراحة الادباء والفنانين ، رواد قلم القسم الأدبي الاعزاء - وطبعا رواد المنتدى ككل - يا مرحب بالجميع - لو عديت كل يوم هنا هاتلاقي تربيزة تختارها في المكان اللي انت عايزه ، هاتلاقي الواد سفروت ، اطلب منه مشروبك المفضل ، زي ماتحب ،، واكتب اي كلام عايز تقوله ومش لاقي حد تقوله له ، مش عايزين نتعبك ونوجع دماغك - دي استراحة - اكتب سطر واحد اثنين بالكتير ،، سيب رسالة حب لاحد الاعضاء ، او لاحد احبائك ، او لنفسك - اشمعنى انت لا - قول كل اللي نفسك تقوله في اي موضوع تحبه ،،، قول انطباعك النهاردة ايه ،،،، فرحان ،، ليه ،،، مخنوق شوية ،، ليه ،،، شفت موقف في المواصلات ضايقك ،، شفت خبر في الاخبار خنقك ،، قول سلام عليكم كل يوم وامشي ،، قول صباحكم ورد يا جماعة انا رايح الشغل وراجعلكم ، قول العضو الفلاني واحشني ما حدش يعرف اخباره ايه ، وسيب له رسالة شوق وحب ،،،
صباحكم ورد يا اخواننا ،، هنا يا جماعة .... قهوة الادباتية والفنانين ....
الناس اللي بنسقوا شغل فني مع بعض ، هات الجروب بتاعك وتعالي هاتلاقي كل اللي بتحبوه
لا مؤاخذة كلمة اخيرة ،، انت هنا براحتك بس فيه هنا قائمة بالممنوعات في القهوة
وله يا سفروت ،، علّق القائمة
ممنوع شرب الشيشة - التفاح وكل انواعها
وممنوع التدخين - احتراما لباقي الاعضاء
ممنوع تنزيل ألعاب تضيع الوقت وتجيب مشاكل بيننا ،،
دائما في خدمتكم
دايما في خدمتكم يا بهوات
سلام مؤقت وراجع
Icon
موضوع: صباحكم ومساكم فل وورد وياسمين وكل النسائم الحلوة 
